«Ulttyq kitap» respýblıkalyq baıqaýyna qatysýǵa ótinim qabyldaý bastaldy
ASTANA. KAZINFORM - Baıqaý Qazaqstan Mádenıet jáne aqparat mınıstrliginiń uıymdastyrýymen «Ulttyq kitap kúni» merekesine oraı ótkiziledi.
Baıqaýdyń negizgi maqsaty – kitap oqý mádenıetin qalyptastyrý, úzdik avtorlardy anyqtap, qazaq ádebıetiniń, rýhanııatynyń damýyna yqpal etý. Aýdarmashylardy, baspagerler men kitap dızaınerlerin qoldaý jáne yntalandyrý.
Baıqaý kelesi 10 nomınatsııa boıynsha ótedi:
Balalarǵa arnalǵan úzdik kitap
Úzdik komıks
Non fıkshn janryndaǵy úzdik kitap
Detektıv janryndaǵy úzdik kitap
Satıra janryndaǵy úzdik kitap
Úzdik ılıýstratsııalyq kitap
Úzdik aýdarma kitaby
Fantastıka janryndaǵy úzdik kitap
Úzdik baspa
«Jyl kitaby» Gran-prı syılyǵy
Konkýrsqa keıingi eki jylda jaryq kórgen týyndylar qabyldanady. Qabyldaý merzimi aıaqtalǵannan keıin túsken jumystar tirkelmeıdi.
Baıqaýǵa jumystar 2025 jylǵy 15 qańtar – 1 sáýir aralyǵynda qabyldanady.
Aıta ketsek, Memleket basshysynyń bastamasymen jańa mereke – «Ulttyq kitap kúni» bekitildi.
Mereke alǵash ret 23 sáýirde atap ótiledi.