Ulttyq kitap kúni qarsańynda Ekibastuz mektepteri jańa formatqa kóshti
PAVLODAR. KAZINFORM – Ulttyq kitap kúni qarsańynda Ekibastuz mektepteri jańa formatqa kóshti. Endi munda oqýshylar tek kitap oqyp qana qoımaı, ony birlese talqylaıdy, pikir bólisedi, bir-birimen kitap almasady.
Oqý-aǵartý mınıstrliginiń habarlaýynsha, qala mektepterinde kitaptardy birge talqylaýǵa baǵyttalǵan is-sharalar tsıkli bastaldy.
Kitap bul jerde tapsyrma oryndaý emes, ortaq áńgime men qyzyǵýshylyqtyń ózegine aınaldy. Ádebı batldarda oqýshylar keıipkerler men sıýjetterdi taldap, óz ustanymdaryn qorǵaıdy. Poezııalyq marafondarda klassıkalyq shyǵarmalar men qazirgi avtorlardyń óleńderi oqylyp, oqýshylar birden pikir almasyp, dıalogqa túsedi.
Mektep kitaphanalarynda «Jańalyq» jobasy iske qosylyp, kitap buryshtary paıda boldy, sheberlik saǵattary ótip jatyr, al eski kitaptar qaıta jańǵyryp keledi. Býkkrossıng sharasy erekshe qyzyǵýshylyq týdyryp, kitaptar qoldan qolǵa ótip, jańa oqyrmanyn taýyp jatyr.
Aıta keteıik, buǵan deıin Ulttyq kitap kúni qarsańynda elde qandaı is-sharalar ótetinin jazǵan edik.
