Ulttyq kitap kúni Astanada elimizdiń úzdik kitaphanashylary marapattaldy
ASTANA. KAZINFORM — Qazaqstan Respýblıkasy Oqý-aǵartý mınıstrliginde Ulttyq kitap kúni men Kitaphanashylar kúnine arnalǵan saltanatty is-shara ótti. Іs-shara aıasynda kitaphana mamandarynyń eńbegin baǵalaý, kitap oqýdy nasıhattaý jáne mamandyq mártebesin arttyrý máselelerine basymdyq berildi. Bul týraly Oqý-aǵartý mınıstrligi málimdedi.
— Saltanatty rásim barysynda bilim berý júıesin damytýǵa, óskeleń urpaqty tárbıeleýge jáne oqý mádenıetin ilgeriletýge eleýli úles qosqan mamandar marapattaldy. Mınıstrliktiń buıryǵyna sáıkes 2 qyzmetker «Qazaqstan Respýblıkasynyń bilim berý isiniń qurmetti qyzmetkeri» tósbelgisimen marapattaldy, taǵy 28 maman Qazaqstan Respýblıkasy Oqý-aǵartý mınıstriniń Alǵysyna ıe boldy, — delingen habarlamada.
Іs-shara aıasynda jas oqyrmandardyń, oryndaýshylar men shyǵarmashylyq ujymdardyń qatysýymen kontserttik baǵdarlama uıymdastyryldy. Kesh barysynda mýzykalyq nómirler, Abaı Qunanbaıulynyń shyǵarmalary jáne qazaq óneriniń altyn qoryna engen týyndylar oryndaldy.
Eske sala keteıik, Qasym-Jomart Toqaev Qazaqstan halqyn Ulttyq kitap kúnimen quttyqtady.
Al Qazaqstanda 12 myńǵa jýyq kitaphana jumys isteıdi.