Ulttyq krıptoanalıtıka ortalyǵy qurylyp jatyr — Súleımenov
ASTANA. KAZINFORM — Jańadan qurylatyn Ulttyq krıptoanalıtıka ortalyǵy Ulttyq banktiń Antıfrod-ortalyǵymen ıntegratsııalanady. Bul týraly Úkimet otyrysynda Ulttyq bank tóraǵasy Tımýr Súleımenov aıtty.
Onyń aıtýynsha, «Qazaqstan Respýblıkasynda tsıfrlyq aktıvter ındýstrııasyn yntalandyrý jáne damytý jónindegi sharalar týraly» Jarlyqtyń taǵy bir baǵyty — krıptoanalıtıkany damytý. Qadaǵalaýǵa arnalǵan SupTech platformasy negizinde Ulttyq krıptoanalıtıka ortalyǵy qurylyp jatyr. Ol operatsııalardyń fıattyq jáne krıptovalıýtalyq bólikterin, klıentterdi, ámııandar men tranzaktsııalardy taldaıdy.
— Ortalyq Ulttyq banktiń Antıfrod-ortalyǵymen ıntegratsııalanady. Tekserý quraldary bankterge, quqyq qorǵaý organdaryna jáne lıtsenzııalanǵan provaıderlerge qoljetimdi bolady. Jarlyqty iske asyrý úshin Ulttyq bank memlekettik organdarmen birge Birlesken is-qımyl josparyn ázirledi. Onda negizgi sharalar, jaýapty oryndaýshylar men naqty merzimder aıqyndaldy. Jospardy iske asyrý retteletin naryqtyń kólemi men ótimdiligin arttyrady. Bul kapıtaldyń retteletin ortaǵa oralýyna, halyqaralyq qatysýshylardy tartýǵa jáne naqty sektordyń qarjylandyrýyn keńeıtýge jaǵdaı jasaıdy. Qazaqstandyq aktıvter úshin ishki jáne halyqaralyq naryqtarǵa shyǵýdyń qosymsha arnasy paıda bolady, — dedi Tımýr Súleımenov.
Aıta keteıik, Úkimet otyrysynda tsıfrlyq aktıvter salasyn damytý máseleleri talqylanyp jatyr.
