Ulttyq qordyń turaqty damý quraly retindegi rólin qaıta qaraýymyz kerek — Prezıdent

ASTANA. KAZINFORM — El ekonomkasy úshin mańyzdy, paıdasy bar jobalarǵa basymdyq berilýge tıis. Bul týraly Prezıdent Qasym-Jomart Toqaev Qazaqstan halqyna Joldaýy barysynda aıtty. 

— Investorlarǵa usynylatyn salyq jeńildikterin muqııat oılastyryp, baıyppen qoldanǵan jón, el ekonomkasy úshin mańyzdy, paıdasy bar jobalarǵa basymdyq berilýge tıis. Jalpy, ınvestıtsııalyq kelisim jasaý tásili óz tıimdiligin kórsetti. Biz Ulttyq qordyń turaqty damý quraly retindegi rólin qaıta qaraýymyz kerek. Qordy qosymsha ınvestıtsııa kózi retinde qoldaný úshin el ishindegi bolashaǵy zor jáne naryqtaǵy áleýeti joǵary bolatyn jobalarǵa qarjy bólýge bolady, — dedi Qasym-Jomart Toqaev.

Prezıdenttiń aıtýynsha, eń bastysy, qarajatty muqııat oılastyryp, jumsaý kerek. Bul iske, qajetti bolsa, sapaly saraptama jasaı alatyn halyqaralyq deńgeıdegi basqarýshylar men ınvestorlardy tartýǵa bolady. 

Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.

Kazinform saıty tikeleı efırmen qatar, jazbasha translıatsııa da jasaıdy.

Sondaı-aq Joldaý mátinin agenttiktiń telegram arnasynan oqýǵa bolady.