Ulttyq qordyń aqshasy balalardyń shotyna 1 aqpanda aýdaryla bastaıdy
Qarjy mınıstrliginiń bıýdjettik kredıtteý, ulttyq qor jáne qarjy sektory máseleleri jónindegi ózara is-qımyl departamentiniń dırektory Aıbol Arǵynǵazınov Ulttyq qordyń aqshasy bala shotyna 1 aqpanda aýdaryla bastaıtynyn aıtty, dep habarlaıdy Kazinform.
«Ulttyq qor tólemderin Biryńǵaı jınaqtaýshy zeınetaqy qory 2024 jyldyń 1 aqpanynan bastap aýdarady. 18 jasqa tolmaǵan barlyq balaǵa birdeı soma aýdarylady. Al kámelet jasyna 2024 jyly tolatyn balalar sol qarajat shotyna túsken kezden bastap ótinim berip, Ulttyq qor aqshasyn paıdalaný maqsatyn rastaıtyn qujatty kórsetý arqyly ári qaraı bul qarajatty paıdalana alady», - dedi Aıbol Arǵynǵazınov vedomstvo uıymdastyrǵan brıfıngide.
Sondaı-aq Ulttyq qor qarajatyn emdeý sharalaryna jumsaýǵa ruqsat joq ekenin aıtty.
Onyń aıtýynsha, densaýlyǵyna baılanysty qıyndyqqa tap bolǵan azamattarǵa qoldaý kórsetýdiń «Qazaqstan halqyna qory», zeınetaqy jınaǵynyń artylǵan kólemin paıdalaný sııaqty túrli tetikter bar.
