Ulttyq qordan bıýdjetke 1,4 trln teńge kepildendirilgen transfert tartyldy
ASTANA. KAZINFORM — Úkimet 2026 jylǵy 1 maýsymdaǵy jaǵdaı boıynsha respýblıkalyq bıýdjettiń atqarylýy týraly málimet jarııalady.
Respýblıkalyq bıýdjetke túsken túsimder – 9,4 trln teńge.
Transfertterdi esepke almaǵandaǵy kirister 7,4 trln teńgeni qurap, esepti kezeń jospary 100,9%-ǵa oryndaldy.
Salyqtyq túsimder – 7,2 trln teńge nemese jospardyń 100,5%-y. Jospar 38,6 mlrd teńgege asyra oryndaldy.
Salyqtyq emes túsimder – 166,2 mlrd teńge, jospardyń 120,1%-y. Jospardan tys túsim kólemi 27,9 mlrd teńge boldy.
Ulttyq qordan respýblıkalyq bıýdjetke 1,4 trln teńge kóleminde kepildendirilgen transfert tartyldy.
Respýblıkalyq bıýdjet shyǵystary 11,1 trln teńge bolyp, jospar 97,4%-ǵa oryndaldy.
Respýblıkalyq bıýdjet tapshylyǵy 1,7 trln teńgeni nemese JІÓ-niń 0,9%-yn qurady.
Nysanaly transfertter boıynsha óńirlerge 187,4 mlrd teńge bólindi, onyń 174,5 mlrd teńgesi ıgerildi.
Jalpy alǵanda, respýblıkalyq bıýdjettiń kirister bóliginiń oryndalýy josparly deńgeıden joǵary saqtalyp, óńirlerdi qarjylandyrý tolyq kólemde qamtamasyz etildi.
Aıta ketelik Úkimet senatorlarǵa respýblıkalyq bıýdjettiń atqarylýy týraly esep beredi.
