Ulttyq qordan balaǵa aqsha aýdarý qandaı jaǵdaıda toqtatylady
Qarjy mınıstrliginiń bıýdjettik kredıtteý, ulttyq qor jáne qarjy sektory máseleleri jónindegi ózara is-qımyl departamentiniń dırektory Aıbol Arǵynǵazın Ulttyq qordan bala shotyna tólem aýdarý qandaı jaǵdaıda toqtatylatynyn túsindirdi, dep habarlaıdy Kazinform.
«Ulttyq qor tólemin aýdarý bala qaıtys bolǵan jaǵdaıda toqtatylady. Bul jaǵdaıda muragerlik quqyǵy kúshine enedi. Ondaı balanyń murageri kim bola alatyny Azamattyq kodekstiń aıryqsha bóliginde kórsetilgen. ıAǵnı, ár balanyń murageri naqty jaǵdaıy boıynsha anyqtalady», - dedi ol.
Mınıstrlik ókili baladan mura retinde qalǵan Ulttyq qor aqshasyn zańdy murager óz qalaýynsha paıdalanady.
«Balany joǵaltý ata-ana úshin óte aýyr qaıǵy ekenin túsinemiz. Sondyqtan ol aqshany naqty bir maqsatqa paıdalaný kerek degen talap qoımaımyz. ıAǵnı, ata-ana bolsyn, zań aıasyndaǵy basqa da muragerlik quqyǵyna ıe adam bolsyn, qaıtys bolǵan baladan qalǵan Ulttyq qor aqshasyn óz qalaýyna qaraı paıdalana alady. Sondaı-aq, bala Qazaqstan azamattyǵynan aıyrylǵan kezde Ulttyq qor tólemin aýdarý toqtatylady», - dedi Aıbol Arǵynǵazın.
