Ulttyq qor jarty jylda 464,4 mlrd teńge ınvestıtsııalyq tabys tapty
ASTANA. KAZINFORM – Jarty jylda Ulttyq qordyń ınvestıtsııalyq tabysy – 464 mlrd 429 mln 443 myń teńge bolǵan. Bul aqshanyń teń jartysy 2025 jyldyń basynda «Ulttyq qor – balalarǵa» jobasynyń aıasynda 18-ge tolmaǵan qazaqstandyqtardyń shottaryna teńdeı aýdarylady.
2024 jyldyń 1 qańtarynda Ulttyq qorda 29 trln 114 mlrd 766 mln 638,5 myń teńge bolǵan. Qańtar-maýsym aralyǵynda bul somanyń ústine 2 trln 645 mlrd 486 mln 146,7 myń teńge túsim kirgen.
Aıta ketý kerek, Ulttyq qordyń túsimderi mynandaı alym-salyq túrlerinen qalyptasqan:
- korporatsııalyq tabys salyǵy – 751 mlrd 897 mln 712,5 myń teńge;
- ústeme paıdaǵa salynatyn salyq – 36 mlrd 515 mln 343,7 myń teńge;
- bonýstar – 121 mln 912,2 myń teńge;
- paıdaly qazbalardy óndirýge salynatyn salyq (roıaltı) – 534 mlrd 438 mln 388,7 myń teńge;
- eksportqa renta salyǵy – 185 mlrd 166 mln 969,7 myń teńge;
- ónimdi bólisýdegi Qazaqstannyń úlesi – 580 mlrd 523 mln 536,7 myń teńge;
- jer qoınaýyn paıdalanýǵa salynatyn balamaly salyq – 88 mlrd 329 mln 931,9 myń teńge;
- memlekettiń munaı uıymdaryna salatyn ákimshilik aıyppuldary, ósim puldary, sanktsııalar men óndirip alýlar – 784 mln 646,8 myń teńge;
- munaı óndirisi keltirgen zııannyń ornyn toltyrýǵa alynǵan qarajat – 98 mln 191,4 myń teńge;
- ulttyq holdıngter men ulttyq kompanııalarǵa tıesili bolǵan aktıvterdi básekeles ortaǵa berýden túsetin túsimder – 47 mln 441,5 myń teńge;
- aýyl sharýashylyǵy maqsatyndaǵy jer ýchaskelerin satýdan túsetin túsimder – 15 mln 159,9 myń teńge;
- Ulttyq qordy basqarýdan túsken ınvestıtsııalyq kirister – 464 mlrd 429 mln 443 myń teńge;
- Qazaqstan zańnamasymen tyıym salynbaǵan ózge de túsimder men kirister – 1 mlrd 910 mln teńge.
Sonymen qańtar maýsym aralyǵynda Ulttyq qorǵa 2,6 trln teńgeden astam túsim kirse, dál osy aralyqta 2 trln 455 mlrd 798 mln 866,3 myń teńge paıdalanylǵan. Naqtyraq aıtsaq, 1 trln 589 mlrd teńgesi kepildendirilgen transfert retinde, 861 mlrd teńgesi maqsatty transfert retinde jumsalǵan.
Osylaısha Ulttyq qorda 1 maýsymdaǵy jaǵdaı boıynsha 29 trln 304 mlrd 453 mln 918,9 myń teńge qalyp otyr. Sonda jarty jylda Ulttyq qordyń aqshasy 189,7 mlrd teńgege kóbeıgen.
