Ulttyq qor sheteldik qarjy ınstıtýttaryna qyzmet etpeýi kerek – Memleket basshysy

ASTANA. KAZINFORM — Ulttyq qor – uzaq merzimge arnalǵan makroekonomıkalyq turaqtylyqty qamtamasyz etetin asa mańyzdy qural. Bul týraly Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty.

«Endi Ulttyq qordyń róline jeke toqtalaıyn. Qordyń qarajatyn, eń aldymen, memleket múddesi úshin, ıaǵnı elimizdiń strategııalyq maqsattaryn júzege asyrý úshin paıdalaný qajet», - dedi Qasym-Jomart Toqaev.

Osy oraıda Prezıdent Ulttyq qor sheteldik qarjy ınstıtýttaryna qyzmet etpeýi kerek ekenin atap ótti.

«Ulttyq qor – uzaq merzimge arnalǵan makroekonomıkalyq turaqtylyqty qamtamasyz etetin asa mańyzdy qural. Sondyqtan ony tıimdi basqarý qajet», - dep tapsyrdy Memleket basshysy.

Aıta keteıik, buǵan deıin Prezıdent Úkimet bıýdjet tapshylyǵynyń ornyn toltyratyn qarjy kózin tabý úshin tıimdi kompensatsııalyq tásilder oılastyrýy qajet ekeni aıtqan edi.