Ulttyq qor qarajatynyń jumsalýyn baqylaý jónindegi komıssııa quryldy

ASTANA. KAZINFORM – Memleket basshysy Qasym-Jomart Toqaev Qazaqstan Respýblıkasynyń Ulttyq qorynan bólingen qarajattyń tıimdi ári zańdy paıdalanylýyn baqylaý maqsatynda arnaıy komıssııa qurý týraly Jarlyqqa qol qoıdy.

Qujatqa sáıkes, Qazaqstan Respýblıkasynyń Bıýdjet kodeksiniń 59-baby 4-tarmaǵyna oraı, Ulttyq qordan bólinetin qarajattyń jumsalýyn monıtorıngileý jónindegi komıssııa quryldy.

Sonymen qatar Memleket basshysy komıssııanyń erejesi men jumys tártibin, sondaı-aq onyń quramyn bekitti.

Jarlyqpen birge birqatar burynǵy prezıdenttik aktilerdiń kúshi joıyldy dep tanyldy.

Qujat qol qoıylǵan kúnnen bastap kúshine enedi.

Aıta keteıik, buǵan deıin Prezıdent joǵary áskerı ataqtar týraly jarlyqqa qol qoıǵan bolatyn.