Ulttyq qor qarajatyn Qazatomónerkásip aktsııalaryna salýǵa ruqsat berildi

ASTANA. KAZINFORM — El Úkimetiniń Ulttyq qordy ornalastyrý úshin materıaldyq emes aktıvterdi qospaǵanda, ruqsat etilgen qarjy quraldarynyń tizbesin bekitý týraly 2009 jylǵy 28 qańtardaǵy № 66 qaýlysyna ózgeris endi.

Qujatqa sáıkes, ózgeris Qazaqstan Respýblıkasynyń Ulttyq qoryn ornalastyrý úshin materıaldyq emes aktıvterdi qospaǵanda, ruqsat etilgen qarjy quraldarynyń tizbesine qatysty bolyp otyr.

Qaýlynyń 2-tarmaǵynyń 2-tarmaqshasynda bylaı dep jazylǵan:

«Halyqaralyq SPO (Secondary public offering) júrgizý kezinde Ulttyq qor úlesin basym túrde ótkizý quqyǵymen respýblıkalyq bıýdjetti qarjylandyrý úshin QR Úkimetiniń sheshimimen naryqtyq qunyna dıskontpen QazMunaıGaz ulttyq kompanııasy aktsıonerlik qoǵamynyń jáne Qazatomónerkásip ulttyq atom kompanııasy aktsıonerlik qoǵamynyń aktsııalaryna salýǵa ruqsat beriledi». 

Buǵan deıin tizbege tek QazMunaıGaz ǵana kirgen bolatyn.

Qaýly qol qoıylǵan kúninen bastap qoldanysqa enedi.