«Ulttyq qor – balalarǵa» jobasyna ata-analar eshqandaı qujat jınamaıdy
Elorda turǵyndaryna «Ulttyq qor-balalarǵa» jobasyna qatysý talaptary túsindirilip jatyr, dep habarlaıdy Kazinform.
Atalǵan jobaǵa qatysý úshin ata-analar qandaı qujat jınaýy kerek degen suraqqa Qarjy vıtse-mınıstri Dáýren Temirbekov jaýap berdi jáne ata-analarǵa eshqandaı qujat jınaýdyń qajeti joq ekenin aıtty.
«Barlyq bala qatysady. Eshqaıda barýdyń qajeti joq, tutas protsess avtomattandyrylǵan. Biryńǵaı jınaqtaýshy qor Ádilet mınıstrligimen birlesip, tıisti ıntegratsııalyq jumys júrgizedi. 18 jasqa deıin qarajat Ulttyq qorda saqtalady. 18 jasqa tolǵannan keıin ǵana bul soma shottarǵa aýdarylady. Sodan keıin bul qarajatty birneshe maqsatta paıdalanýǵa bolady», - dedi Dáýren Temirbekov brıfıngte.
Sondaı-aq «BJZQ» AQ Basqarýshy dırektory Murat Sháripov qarajatty tóleý dollarmen júrgiziletinin aıtty. Bazada balanyń derekteri bar, sondyqtan BJZQ derekterdiń sáıkestigin júrgizedi jáne somany esepteıdi.
