Ulttyq qor balalarǵa: jasóspirimder 4,2 mln dollardy kádege jaratty
ASTANA. KAZINFORM – «Biryńǵaı jınaqtaýshy zeınetaqy qory» AQ «Ulttyq qor – balalarǵa» baǵdarlamasynyń kámeletke tolǵan qatysýshylaryna 4,2 mln AQSh dollaryn aýdardy. Bul týraly qordyń baspasóz qyzmeti málimdedi.
— 2024 jylǵy 1 jeltoqsandaǵy jaǵdaı boıynsha elimizdiń barlyq balalaryna Qazaqstan Respýblıkasynyń Ulttyq qorynan alǵashqy qarajat eseptelgen sátten bastap «BJZQ» AQ shamamen 4,2 mln AQSh dollaryna 41 799 ótinishti oryndady (ótinish berýshilerdiń banktik shottaryna aýdarý úshin ýákiletti operatorlarǵa aýdaryldy). Onyń ishinde turǵyn úı jaǵdaıyn jaqsartý maqsatynda 2,3 mln-ǵa jýyq AQSh dollaryna 22 623 ótinish, bilim berý aqysyn tóleý úshin 1,9 mln-nan astam AQSh dollaryna 19 176 ótinish oryndaldy, — delingen habarlamada.
Esterińizge sala keteıik, nysanaly jınaqtardy alýshy barlyq somany nemese onyń bir bóligin paıdalanýǵa quqyly, qarjynyń paıdalanylmaǵan qaldyǵy nysanaly jınaqtaý shotynda (NJSh) qalady.
Turǵyn úıdi jaqsartýǵa arnalǵan qarajatty paıdalanýdyń eń tanymal qosalqy maqsattary: odan ári jınaqtaý úshin turǵyn úı qurylysy jınaqtaryndaǵy salymdy tolyqtyrý (2,2 mln-nan astam AQSh dollaryna 21 979 ótinish oryndaldy), azamattyq-quqyqtyq mámileler boıynsha menshikke turǵyn úı satyp alý (túpkilikti esep aıyrysý) — shamamen 21,6 myń AQSh dollaryna 215 ótinish, turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizý — shamamen 17,7 myń AQSh dollaryna 176 ótinish.
Bilim berý aqysyn tóleý sheńberindegi eń tanymal qosalqy maqsattar: Qazaqstan Respýblıkasynyń aýmaǵynda ornalasqan bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde bir mezgilde (búkil oqý merzimi úshin) aqy tóleý (1,6 mln-ǵa jýyq AQSh dollaryna 15 885 ótinish oryndaldy), bilim berý jınaqtaý salymy týraly shart boıynsha bilim berý jınaqtaý salymyn tolyqtyrý (248,6 myńǵa jýyq AQSh dollaryna 2 477 ótinish oryndaldy), sheteldik bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (70,4 myńnan astam AQSh dollaryna 702 ótinish oryndaldy) tólem jasaý.
Esterińizge sala keteıik, «Ulttyq qor — balalarǵa» baǵdarlamasyna sáıkes Qazaqstan Respýblıkasy Ulttyq qorynyń ınvestıtsııalyq kirisiniń 50% mólsheri jylyna bir ret, 2006 jyly jáne odan keıin týǵan Qazaqstan Respýblıkasynyń azamaty bolyp esepteletin balalarǵa teńdeı bólinedi. 2024 jylǵy aqpan aıynda 2023 jyldyń qorytyndysy boıynsha BJZQ-ǵa barlyq balalar úshin alǵashqy nysanaly talaptar esepteldi. Sondaı-aq, 18 jasqa 2024 jyly tolǵan azamattardyń nysanaly jınaqtaý shottaryna (NJSh) nysanaly jınaqtar (NJ) eseptelip, tólemder júzege asyryla bastady.
Buǵan deıin habarlanǵandaı, Qarjy mınıstrligi men Ulttyq bank «Ulttyq qor — balalarǵa» baǵdarlamasy aıasynda jınaqtalatyn qarajat qanshalyqty óskenine túsinik bergenin jazǵan bolatynbyz.