Ulttyq qor balalarǵa: Jasóspirimder 30 mln 640 myń dollardy kádege jaratty

ASTANA. KAZINFORM – «Ulttyq qor balalarǵa» jobasy aıasynda 304 815 jasóspirim shottaryna túsken qarajatty kádege jaratty. Bul týraly Qarjy mınıstri Mádı Takıev aıtty.

«Bıyl alǵashqy qadam jasalyp, 6,9 mln bala 100,52 dollardan aldy. Óıtkeni, Ulttyq qordyń kirisi 1,3 mlrd dollardy qurady. Onyń jartysy – 695 mln dollar, osy qarajat bólindi. 2024 jyly 18 jasqa tolǵan ne tolatyn balalar sany – 304 815. 1 naýryzda olar 30 mln 640 myń dollar qarajatty aldy. Ulttyq qordyń kirisi artqan saıyn balalarǵa tólenetin tólem kólemi de ulǵaıady», - dedi mınıstr Úkimet otyrysynan keıingi brıfıngte.

Sonymen qatar ol balalarǵa tólenetin tólem únemi 100,52 dollar bolmaıtyndyǵyn aıtty.

«Eń joǵary shegin aıta almaımyn, kóripkel emespin. Degenmen, onyń ulǵaıa túsetindigine úmittenemiz», - dedi Mádı Takıev.