«Ulttyq qor – balalarǵa»: SQO-da jastar qarajatty negizinen turǵyn úı máselesin sheshýge jumsaǵan
PETROPAVL. KAZINFORM – «Ulttyq qor – balalarǵa» baǵdarlamasy iske qosylǵaly Soltústik Qazaqstan oblysynda 6 myń jas qoldaýǵa ıe boldy.
Otbasy banktyń oblystyq fılıalynyń málimetinshe, bul joba jastarǵa bilim alýǵa jáne turǵyn úı máselesin sheshýge múmkindik berip otyr. Baǵdarlama bastalǵaly óńirde turǵyn úı jaǵdaıyn jaqsartýǵa qatysty 3 981 ótinish qabyldanǵan. Sonyń nátıjesinde azamattardyń esepshottaryna shamamen 650 myń dollar aýdaryldy. Al bilim berý baǵyty boıynsha 2 myńnan astam ótinish túsip, 280 myń dollarǵa jýyq qarajat tólengen.
Mamandardyń aıtýynsha, joba aıasynda 2006 jyly jáne odan keıin týǵan balalarǵa Ulttyq qordyń ınvestıtsııalyq tabysynyń 50 paıyzy jyl saıyn aýdarylyp otyrady. Bul qarajat balalar kámelet jasyna tolǵan kezde qoljetimdi bolady jáne ony bilim alýǵa nemese turǵyn úı jaǵdaıyn jaqsartýǵa jumsaýǵa múmkindik beriledi. Bıyl balalardyń esepshotynda jınalǵan qarajat 370 AQSh dollaryna jetti.
Buǵan deıin 2026 jyly el boıynsha baǵdarlamaǵa 6 mln 918 myń adam qatysyp, onyń ishinde 356 613 adam 18 jasqa tolǵanyn jazǵan edik.
