Egov-tan balańyzdyń málimetin tappaı qalsańyz ne isteý kerek

«Ulttyq aqparattyq tehnologııalar» aktsıonerlik qoǵamy qazaqstandyq ata-analarǵa balalarynyń tsıfrlyq derekterin aıqyn kórý úshin Egov mobıldi qosymshasyn sońǵy úlgisine jańartýǵa keńes beredi, dep Kazinform.

«Búgingi tańda Egov elektrondy úkimet portalynda derekqorda tirkelgen barlyq bala kórsetiledi. Sırek jaǵdaılarda, tsıfrlyq qujatta keıbir balalar ata-anada múldem kórsetilmeýi nemese qate kórsetilýi múmkin. Degenmen, bul olardyń tólemderdi alýyna áser etpeıdi jáne ata-ana men bala arasyndaǵy týystyq qarym-qatynas tek tsıfrlyq qujattarda anyqtalmaǵanyn bildiredi. Qazaqstan azamaty bolyp tabylatyn árbir bala Egov portalynda kórsetilgen derekterge qaramastan Ulttyq qordan tólem alady» delingen uıymnyń baspasóz qyzmeti taratqan málimette.

18-ge tolmaǵan balasy bar qazaqstandyqtar «Ulttyq qor — balalarǵa» jobasynda otbasynyń derekteri durys túzilgeninen kóz jetkizý úshin Egov elektrondy úkimet portalynda «Balany qosý» fýnktsııasyn paıdalaný kerek.

Ol úshin:

• eGov Mobile mobıldi qosymshasyn sońǵy nusqaǵa deıin jańartyńyz.
• Tsıfrlyq qujattaǵy «Otbasy» bólimine ótip, «Balany qosý» túımesin basyńyz.
• Osydan keıin «Balalar týraly aqparatty jańartý» qyzmeti ashylady, ondaǵy barlyq joldardy toltyryp, týý týraly kýálikti tirkep, ótinish berý qajet.

«Ótinishti AHAT qyzmetkerleri 2-den 5 jumys kún ishinde qarastyrady. Óńdeý aıaqtalǵannan keıin siz habarlama alasyz jáne bala jaıly aqparat tsıfrlyq qujattarda paıda bolady. Osy qadamdardy oryndaý arqyly siz eGov.kz jáne eGov mobile tsıfrlyq qujattarynda balańyzben týystyq qarym-qatynas ornata alasyz», — dep jazady aktsıonerlik qoǵam mamandary.