«Ulttyq qor – balalarǵa»: BJZQ alǵashqy bolyp tólem aýdarylatyndar tizimin bekitti

ASTANA. KAZINFORM - Biryńǵaı jınaqtaýshy zeınetaqy qory «Ulttyq qor – balalarǵa» baǵdarlamasy aıasynda bıyl tólem aýdarylatyndardyń tizimin jasady.

BJZQ baspasóz qyzmeti taratqan aqparatqa sáıkes, búgin komıssııa 2024 jyly tólem aýdarylatyn 7 mıllıonǵa jýyq balanyń tizimin bekitti. Tizim 1 aqpanda jarııalanady. 

«Qazir tizim jasaldy. Tizimde 7 mıllıonǵa jýyq bala bar. Olardyń birqatary — bıyl 18 jasqa tolatyn balalar», — dedi BJZQ baspasóz qyzmeti.

Aıta keteıik, jınaqty azamattar eki maqsatta paıdalana alady. Turǵyn úı alýǵa nemese oqý aqysyn tóleýge bolady.

Buǵan deıin Kazinform tilshisi 18 jasqa tolmaǵan balalalar bar ata-analarǵa arnap, jobanyń eń mańyzdy tustaryn tizip shyqqan bolatyn.