«Ulttyq qor – balalarǵa»: bıyl 902 mln AQSh dollary aýdaryldy
ASTANA. KAZINFORM — Memlekettiń balalarǵa arnalǵan ınvestıtsııasy úsh ese ósti. Bul týraly Quryltaıda «Qazaqstan balalary» tujyrymdamasynyń iske asyrylýyn talqylaýǵa arnalǵan Úkimet saǵatynda Oqý-aǵartý mınıstri Juldyz Súleımenova málim etti.
- 2024 jyldan bastap «Ulttyq qor – balalarǵa» baǵdarlamasy júzege asyrylyp keledi jáne ár balanyń arnaıy shotyna tıisti qarajat aýdaryldy. Osylaısha, 2024 jyly 695,5 mln AQSh dollary, 2025 jyly – 888,8 mln AQSh dollary, al 2026 jyly 901,7 mln AQSh dollary aýdaryldy, - dedi Juldyz Súleımenova.
Onyń aıtýynsha, Qazaqstanda 7 mıllıonǵa jýyq bala turady. Bul – halyqtyń shamamen úshten bir bóligi. Osy balalardyń ıgiligi úshin memleket tarapynan salynǵan ınvestıtsııa úsh ese ósip, 6,4 trln teńgege jetti.
Buǵan deıin «Ulttyq qor – balalarǵa» baǵdarlamasy aıasynda paıdalanylmaǵan qarajat qaıda qalatynyn jazǵan edik.