Ulttyq qor - balalarǵa: balalar qarajatyn qaıda jumsady

​​ASTANA.KAZINFORM — «Ulttyq qor - balalarǵa» baǵdarlamasy aıasynda jas otandastarymyz 11,49 mln AQSh dollaryn nysanaly maqsatqa paıdalandy. 

— 2025 jyldyń 1 mamyryndaǵy jaǵdaı boıynsha 97 615 ótinish oryndalyp, jalpy somasy 11,49 mıllıon AQSh dollarynan astam qarajat ýákiletti operatorlar arqyly ótinish berýshilerdiń banktik shottaryna aýdaryldy, — delingen BJZQ habarlamasynda.

Qarajat qaıda baǵyttaldy?

Turǵyn úı jaǵdaıyn jaqsartýǵa — 6,70 mıllıon AQSh dollary (56 937 ótinish):

▪️ 6,55 mıllıon dollar — turǵyn úı qurylys jınaqtaryn tolyqtyrýǵa (55 539 ótinish)
▪️ 49,94 myń dollar — ıpotekalyq nesıeniń bastapqy jarnasy retinde (442 ótinish)
▪️ 38,57 myń dollar — azamattyq-quqyqtyq mámileler arqyly turǵyn úı satyp alýǵa (370 ótinish)

Bilim alý úshin — 4,79 mıllıon AQSh dollary (40 678 ótinish):

▪️ 4,24 mıllıon dollar — Qazaqstandaǵy oqý aqysyn tóleýge (35 617 ótinish)
▪️ 412,21 myń dollar — bilim berý jınaq shotyn tolyqtyrýǵa (3 789 ótinish)
▪️ 114,96 myń dollar — sheteldegi oqý aqysyn tóleýge (1 067 ótinish)

— Bıyl elimizdiń barlyq balasyna Ulttyq qordan ekinshi ret qarajat esepteldi. Jınalǵan qarajatty tolyǵymen nemese ishinara paıdalanýǵa bolady. Qoldanylmaǵan soma maqsatty jınaq shotynda (MJSh) qalady, — delingen habarlamada.

Aıta ketelik «Ulttyq qor - balalarǵa» baǵdarlamasyn iske asyrýǵa taǵy bir operator qosylǵan edi.