«Ulttyq qor - balalarǵa» baǵdarlamasyn iske asyrýǵa taǵy bir operator qosyldy
ASTANA. KAZINFORM – Qor baǵdarlamasyn iske asyrýǵa taǵy bir ýákiletti operator qatysatyn boldy. Bul týraly elimizdiń Biryńǵaı jınaqtaýshy zeınetaqy qory habarlaıdy.
«Endi oqý tólemine arnalǵan nysanaly jınaq tólemderin alý úshin «Otbasy banki» «Turǵyn úı qurylys jınaq banki» AQ-nan bólek, jýyrda biryńǵaı jınaqtaý zeınetaqy qory kelisimshart jasasqan «Qazaqstan Halyq banki» AQ-na júginýge bolady. Turǵyn úı jaǵdaıyn jaqsartý maqsatyna tólemderdi alý úshin «Otbasy banki» «Turǵyn úı qurylys jınaq banki» AQ jalǵyz ýákiletti operator bolyp qalady»,- delingen qordyń Instagram paraqshasynda.
Aıta ketsek, bıyl 1 qańtardan bastap 18 jasqa tolmaǵan balalar men jasóspirimder «Ulttyq qor - balalarǵa» baǵdarlamasyna qatysýshy boldy.
Balalarǵa jyl saıyn ınvestıtsııalyq kiristi qosa alǵanda, nysanaly talaptar túrinde «Ulttyq qordan» qarajat esepteledi. 18 jasqa tolǵan ataýly jınaqtardy alýshylar nemese olardyń zańdy ókilderi ýákiletti operatorlardyń birine habarlasyp, qarajatty turǵyn úı jaǵdaıyn jaqsartýǵa nemese oqý aqysyn tóleýge paıdalana alady.
Eske sala keteıik, bıyl 1 qańtarda «Ulttyq qor – balalarǵa» jobasy resmı iske qosyldy.
Aldyn ala málimet boıynsha, joba alǵashynda 7 mıllıonnan astam balany qamtydy. Osy oraıda Kazinform agenttigi 7 mıllıonnan astam balanyń ata-anasyna arnap, jobanyń eń mańyzdy tustaryn tizip shyqqan edi.
