«Ulttyq qor — balalarǵa»: 9 mılıonnan asa AQSh dollary aýdaryldy
ASTANA. KAZINFORM – Biryńǵaı jınaqtaýshy zeınetaqy qory «Ulttyq qor – balalarǵa» jobasy aıasynda 1 sáýirdegi jaǵdaı boıynsha 9,30 mln asa AQSh dollaryn aýdarǵan. 83 937 ótinish oryndalǵan. Bul týraly «BJZQ» AQ málim etti.
- Turǵyn úı jaǵdaıyn jaqsartýǵa 47 358 ótinim oryndalyp, 5,24 mln jýyq AQSh dollary tólendi.
- Turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizý — 42,48 myń AQSh dollary
- Azamattyq-quqyqtyq mámileler boıynsha menshikke turǵyn úı satyp alý (túpkilikti esep aıyrysý) — shamamen 35,71 myń AQSh dollary.
- Bilim berý boıynsha bir ret tolyq kólemde (búkil oqý merzimi úshin) aqy tóleý (3,42 mln AQSh dollaryna 30 521 ótinish qanaǵattandyrylyp, 2 352,7 myń dollar tólendi.
Onyń ishinde:
- Bilim alý úshin jınaqtaý salymy týraly shart boıynsha bilim alý jınaqtaý salymyn tolyqtyrý boıynsha 3 616 ótinish oryndalyp, 383,60 myń AQSh dollary bólingen.
- Sheteldik bilim berý uıymdarynyń oqytý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleýge 106,04 myń AQSh dollary bólingen.
Bıyl elimizdiń azamaty bolyp esepteletin barlyq balalarǵa Qazaqstan Ulttyq qorynan ekinshi ret qarajat esepteldi.
Nysanaly jınaqtar tólemin turǵyn úı jaǵdaılaryn jaqsartý jáne (nemese) bilim alý aqysyn tóleý maqsatynda paıdalaný boıynsha ýákiletti operatorlar men óńirler bólinisindegi tolyq aqparatpen enpf.kz saıtynda tanysýǵa bolady.
Kámeletke tolǵan azamattar ózderiniń NJ týraly aqparatty BJZQ-nyń nemese elektrondyq úkimettiń ınternet-resýrstaryndaǵy jeke kabıneti arqyly óz betinshe alýy tıis, sodan keıin ýákiletti operatorǵa AQSh dollarynda banktik shot ashyp, turǵyn úı jaǵdaılaryn jaqsartý jáne (nemese) bilim alý aqysyn tóleý úshin NJ tólemine onlaın-ótinish berý úshin júgine alady.
Eske sala keteıik, buǵan deıin Ulttyq qordan 3 aıda 1,45 trln teńge alynǵanyn jazǵan bolatynbyz.