«Ulttyq qor – balalarǵa»: 7 mln jýyq balanyń shotyna qarajat aýdaryldy

ASTANA. KAZINFORM – Jyl basynan beri «Ulttyq qor – balalarǵa» jobasy aıasynda 6,9 mln balanyń esepshotyna qarajat aýdaryldy. Bul týraly QR Qarjy mınıstrligi Bıýdjettik kredıtteý, QR Ulttyq qory jáne qarjy sektory máseleleri boıynsha ózara is-qımyl departamentiniń dırektory Aıbol Arǵynǵazınov málimdedi.

«Memleket basshysynyń tapsyrmasyna sáıkes, 2024 jyldan bastap «Ulttyq qor – balalarǵa» jobasy iske asyrylady bastady. Bul jańa Qazaqstandy qurý men ekonomıkanyń irgeli zańdylyǵy – ulttyq baılyqty ádiletti bólýge baǵyttalǵan alǵashqy qadam dep aıtýǵa bolady. Ulttyq qordyń sońǵy 18 jyldaǵy qalyptasqan ortasha ınvestıtsııalyq kirisiniń máni 695 519 269 AQSh dollary somasyndaǵy qarajat 6 919 131 balaǵa teńdeı bólinip, árbir balanyń esepshotyna 100,52 AQSh dollary mólsherindegi nysanaly salym tústi», - dedi A. Arǵynǵazınov Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, bıyl «Ulttyq qor – balalarǵa» qarajatyn 304 815 bala paıdalana alady.

«Qazirgi tańda salalyq mınıstrlikterdiń buıryqtarymen qarajatty bilim alý men turǵyn úı jaǵdaıyn jaqsartý úshin paıdalaný tártibi aıqyndalǵan», - dedi ol.