«Ulttyq qor – balalarǵa»: 46,8 mln dollar turǵyn úı men bilimge baǵyttaldy
ASTANA. KAZINFORM — «Ulttyq qor — balalarǵa» baǵdarlamasy boıynsha turǵyn úı jáne bilim alýǵa 46,8 mln-nan asa AQSh dollary baǵyttaldy.
2026 jyldyń 1 sáýirindegi jaǵdaı boıynsha 2024 jylǵy 1 aqpannan bastap 273 371 ótinish oryndalyp, jalpy somasy 46,83 mıllıon AQSh dollarynan astam qarajat ótinish berýshilerdiń banktik shottaryna aýdarý úshin ýákiletti operatorlarǵa aýdaryldy.
Olardyń ishinde:
— turǵyn úı jaǵdaıyn jaqsartý maqsatynda 29,40 mln AQSh dollarynan astam somaǵa 171 696 ótinish oryndaldy;
— bilim berý aqysyn tóleý úshin 17,43 mln AQSh dollary somasyna 101 675 ótinish.
Esterińizge sala keteıik, nysanaly jınaqtardy (NJ) alýshy barlyq somany nemese onyń bir bóligin paıdalanýǵa quqyly. Paıdalanylmaǵan qarajat qaldyǵy nysanaly jınaqtaý shotynda (NJSh) qalady.
Aıta ketelik «Ulttyq qor — balalarǵa» jobasy aıasynda Qazaqstandaǵy ár balanyń esepshotyna 130 dollardan úles aýdaryldy.
