«Ulttyq qor – balalarǵa»: 2026 jyly 18 jasqa tolatyn balalar baǵdarlamaǵa engizile me
ASTANA. KAZINFORM – 2026 jyly 18 jasqa tolatyn balalar «Ulttyq qor – balalarǵa» baǵdarlamasyna engizile me jáne olar qandaı soma alady? «BJZQ» AQ osy saýalǵa resmı túsinikteme berdi.
– Qazaqstan Respýblıkasynyń azamaty bolyp tabylatyn (2025 jylǵy 31 jeltoqsannyń sońyndaǵy jaǵdaı boıynsha) barlyq bala «Ulttyq qor – balalarǵa» baǵdarlamasyna engizilgen jáne onyń qatysýshysy bolyp sanalady, - delingen habarlamada.
2026 jyly 18 jasqa tolatyn balalar (bala áli 18 jasqa tolmaǵan jyly) aýdarylǵan nysanaly talaptaryn ózderiniń BJZQ-da ashylǵan nysanaly jınaqtaý shottaryna esepteletin nysanaly jınaqtar túrinde alady.
2026 jyl boıynsha bir balaǵa arnalǵan nysanaly talaptardyń somasy Qazaqstan azamaty bolyp tabylatyn balalardyń sany boıynsha derekterge (2025 jylǵy 31 jeltoqsannyń sońyndaǵy jaǵdaı boıynsha) jáne Ulttyq qordan eseptelgen balalarǵa arnalǵan nysanaly talaptardyń jalpy somasy boıynsha Ulttyq bankten alynǵan aqparatqa negizdele otyryp esepteletin bolady.
Aıta keteıik, bıyl 1 tamyzdaǵy jaǵdaı boıynsha Biryńǵaı jınaqtaýshy zeınetaqy qory 16,51 mln AQSh dollarǵa 126 468 ótinishti oryndady.
Baǵdarlama resmı túrde 2024 jyldyń 1 qańtarynda bastaldy. Onyń sheńberinde 2006 jyldan bastap týylǵan árbir balaǵa Ulttyq qordan jyl saıyn qarajat aýdarý kózdelgen.
Valıýta baǵamynyń qubylýy Ulttyq qordan balalarǵa beriletin aqsha kólemine áser etpeıdi.