Ulttyq qor aktıvterin 2030 jylǵa qaraı $100 mlrd-qa deıin kóbeıtý josparlanyp otyr
ASTANA. KAZINFORM – Premer-Mınıstrdiń orynbasary – Ulttyq ekonomıka mınıstri Nurlan Baıbazarov Parlament palatalarynyń birlesken otyrysy barysynda depýtattardyń suraqtaryna jaýap bere otyryp, Ulttyq qordy ulǵaıtý jónindegi sharalar týraly aıtty. Bul týraly Úkimettiń baspasóz qyzmeti habarlady.
Búgingi tańda nysanaly baǵdarlardyń biri – Ulttyq qordyń valıýtalyq aktıvterin 2030 jylǵa qaraı $100 mlrd-qa deıin ósirý.
Ekinshi jyl shyǵyndarǵa qatysty tıisti bıýdjettik erejeler qoldanylyp jatyr. Salyq zańnamasynda kiris bazasyn nyǵaıtý esebinen bıýdjet parametrlerin neǵurlym sapaly teńgerimdeý, sonymen birge olardyń ekonomıkalyq kirisine basa nazar aýdara otyryp, shyǵystarǵa basymdyq berý arqyly júzege asyrylyp jatyr.
2024-2027 jyldarǵa Ulttyq qordan kepildendirilgen transfert mólsheri jyl saıyn 2 trln teńge somasynda bekitildi. 2025-2029 jyldarǵa arnalǵan áleýmettik-ekonomıkalyq damý boljamyna (1 kezeń) sáıkes, 2024-2025 jyldary jyl saıyn 1,6 trln teńge mólsherinde nysanaly transfert bólý kózdelgen. Bul rette 2026-2027 jyldary bul shara josparlanbaıdy.
«Qazaqstannyń áleýmettik-ekonomıkalyq damý boljamyna sáıkes, orta merzimdi kezeńde munaıdyń barreline $75 baǵasy kezinde Ulttyq qor túsimderiniń 2025 jylǵy 5,8 trln teńgeden 2027 jyly 6,7 trln teńgege deıin ulǵaıýy boljanyp otyr», - dep atap ótti vıtse-premer.
