Ulttyq qor aqshasyn baqylaýǵa arnalǵan taǵy bir Prezıdent Jarlyǵynyń jobasy jarııalandy

ASTANA. KAZINFORM — Joǵary aýdıtorlyq palata Ulttyq qordan bólingen qarajattyń jumsalýyna monıtorıng júrgizetin komıssııanyń jumysyn jandandyrýdy kózdeıtin Prezıdent Jarlyǵynyń jobasyn kópshilik talqylaýyna shyǵardy.

Aıta ketý kerek, bul komıssııa elimizde 2014 jyldan beri jumys istep keledi. Biraq ol kezde Ulttyq bankke baǵynyshty konsýltatıvtik-keńesshi organ bolǵan. 2020 jyldan bastap qazirgi Joǵary aýdıtorlyq palataǵa berilgen. Al bıylǵy 21 aqpanda osy komıssııanyń otyrysy jańa qurammen, jańartylǵan formatta (buǵan deıin komıssııa qashyqtan jumys istep kelgen) ótti.

Budan bylaı da komıssııanyń otyrystary offlaın formatta ótedi dep josparlanǵan.

Quramy men jumys formaty jańartylǵan komıssııanyń negizgi mindetteri mynalar:

• Ulttyq qordan ekonomıkany jeńildetilgen sharttarmen qoldaýǵa bólingen qarajatqa tekseris júrgizý;
• Ulttyq qor qarajatyn neǵurlym basym baǵyttarǵa qaıta bólý nemese olardy qaıtarý týraly usynystar berý.

Komıssııanyń jańartylǵan quramy mynandaı:

Komıssııa tóraǵasy — Joǵary aýdıtorlyq palatasynyń Tóraǵasy.

Komıssııa músheleri: 

Qarjy mınıstri, 
Ulttyq ekonomıka birinshi vıtse-mınıstri,
QR Prezıdentiniń ekonomıkalyq máseleler jónindegi kómekshisi (baıqaýshy retinde),
Ulttyq Bank tóraǵasynyń orynbasary,
Bas Prokýrorynyń orynbasary,
Strategııalyq josparlaý jáne reformalar agenttigi tóraǵasynyń orynbasary,
Qarjy naryǵyn retteý jáne damytý agenttigi tóraǵasynyń orynbasary,
Qarjylyq monıtorıng agenttigi tóraǵasynyń orynbasary,
Sybaılas jemqorlyqqa qarsy is-qımyl agenttigi tóraǵasynyń orynbasary,
Parlament Senaty Qarjy jáne bıýdjet komıtetiniń tóraǵasy (baıqaýshy retinde)
Parlament Májilisi Qarjy jáne bıýdjet komıtetiniń tóraǵasy (baıqaýshy retinde)
Memlekettik kirister komıtetiniń tóraǵasy,
Іshki memlekettik aýdıt komıtetiniń tóraǵasy,
Ulttyq qaýipsizdik komıtetiniń 4-qyzmeti 4-departamentiniń bastyǵy,
«Samuryq-Qazyna» UÁQ» AQ Ekonomıka jáne qarjy jónindegi basqarýshy dırektory,
«Báıterek» UBH» AQ tóraǵasynyń orynbasary.

Buǵan deıin Prezıdent janyndaǵy Ulttyq qordy basqarý keńesiniń mindetteri keńeıtiletinin jazǵan edik.