Ulttyq qor 9 aıda 1,3 trln teńgemen tolyqqan

ASTANA. KAZINFORM – Qarjy mınıstrligi Ulttyq qordyń 9 aıdaǵy jaı-kúıi týraly málimet jarııalady. Resmı málimetke sensek, 9 aıdyń ishinde Ulttyq qorǵa 1 trln 375 mlrd 751 mln 991,8 myń taza tabys túsken.

2025 jyldyń basynda Ulttyq qorda 34 trln 730 mlrd 106 mln 884 myń teńge aqsha bolǵan. Al 1 qyrkúıekte bul soma 36 trln 105mlrd 858 mln 875,8 myń teńgege jetip otyr.

Aıta ketý kerek, 9 aıda Ulttyq qorǵa barlyǵy 5 trln 238 mlrd 786 mln 755,5 myń teńge kiris túsken. Onyń ishinde 2 trln 480 mlrd 802 mln 213 myń teńgesi – qordy basqarýdan túsken ınvestıtsııalyq kiris.

Osy 5,2 trln teńgeniń 3 trln 863 mlrd 34 mln 763,7 myń teńgesi jumsalǵan. Onyń ishinde kepildik berilgen transfertterge 2 trln teńge, maqsatty transfertterge 1 trln 830 mlrd teńge, qordy basqarý men syrtqy aýdıt shyǵyndaryna 33 mlrd 34 mln 763,7 myń teńge baǵyttalǵan.

Al 2024 jyly Ulttyq qorǵa 8,8 trln teńge kiris túsip, 5,6 trln teńge alynǵan bolatyn.