Ulttyq kompanııalarda ónerkásiptik qaýipsizdikti arttyratyn JI elemnetteri engiziledi
ASTANA. KAZINFORM — Ulttyq kompanııalarda ónerkásiptik qaýipsizdikti arttyratyn jasandy ıntellekt elemnetteri engiziledi. Bul týraly Úkimet otyrysynda Energetıka mınıstri Erlan Aqkenjenov aıtty.
Onyń aıtýynsha, ónerkásiptik qaýipsizdikti arttyrý úshin jasandy ıntellekti qoldanylatyn bolady.
— Júıe beıneaǵyndardy avtomatty taldap, naqty ýaqytta qaýipsizdik buzýshylyqtaryn anyqtaıdy. Bul baqylaýdy kúsheıtip, jedel áreket etýge jáne apattardyń aldyn alýǵa múmkindik beredi. Pılottyq engizý mınıstrlik jetekshilik etetin ulttyq kompanııalardyń obektilerinde kózdelgen. Kútiletin nátıje — óndiristik oqıǵalardy 78 paıyzǵa deıin tómendetý jáne jylyna 2,84 mlrd teńgege deıin ekonomıkalyq áserge qol jetkizý, — dedi mınıstr.
Sondaı-aq ol tabıǵı gaz tutyndy boljaý úshin jasandy ıntellekti qoldaný qolǵa alynatynyn aıtty.
— Júıe mobıldi qosymsha arqyly gaz eseptegish kórsetkishteri men serııalyq nómirin foto arqyly avtomatty tanıdy, derekterdi tez ári qatesiz jiberýge múmkindik beredi. Sonymen qatar jasandy ıntellekt gaz tutynýdy boljaıdy. Bul jetkizýdi josparlaý sapasyn arttyrady. Kútiletin nátıje — derekterdi berý dáldigin 86 paıyzǵa deıin arttyrý, sondaı-aq gazben jabdyqtaý operatorynyń shyǵyndaryn ońtaılandyrý esebinen jylyna 300 mln teńgege deıin ekonomıkalyq áserge qol jetkizý, — dedi Erlan Aqkenjenov.
Buǵan deıin munaı óndirý uńǵymalaryn onlaın baqylaıtyn otandyq júıe eksportqa shyǵarylatynyn jazǵan edik.
