«Ulttyq qolóner mektebi» jobasynyń beınesabaqtary YouTube jelisinde jarııalandy
ASTANA. KAZINFORM - «Ulttyq qolóner mektebi» bilim berý jobasyna qatysqan tálimger sheberlerdiń beınesabaqtary YouTube jelisinde jarııalandy, dep habarlaıdy QR Mádenıet jáne aqparat mınıstrliginiń baspasóz qyzmeti.
Endi kez kelgen adam qazaqtyń qolóneriniń ereksheligimen tanysyp, tájirıbeli mamandardan tegin úırene alady. Sabaqtar qoldanbaly ónerdiń túrli baǵyttaryn óz betinshe meńgerýge baǵyttalǵan.
Jobany Qazaqstan Respýblıkasy Mádenıet jáne aqparat mınıstrliginiń qoldaýymen «Kreatıvti ındýstrııalardy damytý qory» korporatıvtik qory uıymdastyrdy.
Bilim berý jobasy aıasynda 10 qolóner sheberinen 8-20 jas aralyǵyndaǵy 208 oqýshy tálim aldy. Oqý baǵdarlamasy zergerlik óner, aǵash pen teri óńdeý, kıiz basý, keramıka, kilem toqý jáne dástúrli qoldanbaly ónerdiń ózge de túrlerin qamtıtyn 10 baǵyt boıynsha ótti.
Beınesabaqtar sheberlerdiń bilimi men tájirıbesin kópshilikke tanytýǵa, ulttyq mádenı murany dáripteýge jáne qolóner dástúrin keıingi urpaqqa jetkizýge múmkindik beredi.
Atalǵan beınesabaqtardy Youtube jelisindegi "Ulttyq qolóner mektebi" jobasy boıynsha tizimnen tabýǵa bolady.
Osyǵan deıin habarlaǵanymyzdaı, elordalyq oqýshy Tiktok jáne Youtube kóretin balalardyń zeıinin zertteıtin neırojoba ázirledi.
