Ulttyq kınony qoldaýǵa bólinetin qarjyǵa shekteý engizildi

ASTANA. KAZINFORM — Qazaqstanda ulttyq fılmderdi qarjylandyrýǵa qatysty jańa talaptar engizildi. Bul týraly 2025 jylǵy 30 shildede qabyldanǵan Úkimet qaýlysynan belgili boldy.

Atap aıtqanda, «Ulttyq kınony qoldaý memlekettik ortalyǵyn qurý týraly» Úkimettiń burynǵy qaýlysyna ózgerister engizildi.

— Ulttyq fılm mártebesin alýǵa úmitker kınojobalar men ulttyq fılmderdi qarjylandyrýǵa memlekettik qoldaý kórsetý, memlekettik tapsyrma negizinde jumys isteıtin, jarǵylyq kapıtalynda memlekettiń júz paıyzdyq úlesi bar jáne negizgi qyzmet túri fılmder óndirý bolyp tabylatyn zańdy tulǵaǵa bólinetin qarajattan bólek, jalpy fılmderge bólinetin qarjy kóleminiń keminde 30 paıyzynan aspaýy tıis, — dep kórsetilgen qujatta.

Buǵan deıin bul úles naqty kórsetilmegen bolatyn.

Jańa qaýly qol qoıylǵan kúninen bastap kúshine enedi.

Aıta keteıik, kınoprokat naryǵyn qadaǵalaý úshin zańnamany kúsheıtý jumysy bastaldy.