Memleketten 921 mln teńge bólingen eki kıno sol kúıi prokatqa shyqqan joq
ASTANA. KAZINFORM – Almaty qalasy prokýratýrasynyń qadaǵalaý aktisi boıynsha Mádenıet komıteti tóraǵasynyń orynbasary jaýaptylyqqa tartyldy. Bul týraly Almaty qalasynyń prokýratýrasy málimdedi.
Almaty qalasynyń prokýratýrasy 2019-2023 jyldarǵa ulttyq kınony qoldaýǵa bólingen bıýdjet qarajatyn ıgerý kezindegi zańdylyqtyń jaı-kúıine tekserý júrgizdi.
Ulttyq fılmderdi qarjylandyrýdyń tıimsiz qarjylandyrylǵan faktileri anyqtaldy, onda ulttyq kınony qarjylandyrýdyń ekonomıkalyq orynsyzdyǵymen baılanystyrylǵan.
«Mysaly, 2019-2021 jyldar kezeńinde «Vybor» kınofılmi ony túsirýdiń barlyq kezeńinde 500 mln teńge somasyna tolyq kólemde qarjylandyryldy. Alaıda memleket tolyqtaı qoldaǵanyna qaramastan, atalǵan fılm prokatqa sol kúıi shyqpady. Al „Kınematografııa týraly“ Qazaqstan Respýblıkasy zańynyń 12-baby 1-tarmaǵyna sáıkes memlekettik qarjylyq qoldaý, ulttyq fılmderdi jáne soǵan baılanysty is-sharalardy shyǵarýdy, prokattaýdy jáne kórsetýdi uıymdastyrý, sondaı-aq ulttyq fılmderdi shetelde kórsetý úshin usynylady», — dep habarlady prokýratýradan.
Onyń ústine, atalǵan fılmge prokattaý kýáligi alynbaǵan, bul Zańnyń 14-baby 1-tarmaǵyna qaıshy keledi (ulttyq dep tanylǵan fılmge ulttyq fılmniń kýáligi beriledi.
Osylaısha memleket, zańnamada kózdelgen prokattan jáne fılm kórsetiliminen túsetin kiristiń 20%-yn alý múmkindiginen aıyrylǵan.
Taǵy bir uqsas jáıt, 421 mln teńge somaǵa qarjylandyrylǵan «Tyrnalar» fılmi prokatqa shyqqan joq.
2019 jyldan bastap fılmder monıtorınginiń biryńǵaı avtomattandyrylǵan aqparattyq júıesi qoldanysqa engizilmegen, ol eldiń barlyq kınoteatrlarynda kınokórsetilimder men satylǵan bıletter boıynsha, sondaı-aq fılmniń bıýdjeti boıynsha statıstıkany qadaǵalaýǵa múmkindik berer edi.
«Kınojobalarǵa obektıvti irikteý júrgizilmeıtin Saraptamalyq Keńestiń jumysy jekelegen narazylyqtardy týdyryp otyr, onyń ústine kınokompanııalardyń prodıýserleri, rejısserleri, akterleri, quryltaıshylary bir ýaqytta Saraptamalyq Keńestiń músheleri bolyp, nátıjesinde joba qarjylandyrylǵan, bul QR Úkimetiniń 15.03.2019 jylǵy № 113 Qaýlysyna qaıshy keledi», — delingen habarlamada.
Kórsetiletin orasan zor memlekettik qarjylyq qoldaýǵa qaramastan, kútiletin maqsattar men mindetterge qol jetkizilmegenine tekserý nátıjeleri dálel.
Qala prokýratýrasynyń qadaǵalaý aktisi boıynsha QR Mádenıet jáne aqparat mınıstrligi Mádenıet komıteti tóraǵasynyń orynbasary, sondaı-aq «Ulttyq kınony qoldaý memlekettik ortalyǵy» KEAQ Basqarma tóraǵasynyń orynbasary tártiptik jaýaptylyqqa tartyldy.
