Ulttyq kıim men áshekeı satyp almaq bolyp aldanǵan aqtóbelikterdiń sany artty
AQTÓBE. KAZINFORM – Qazir jábirlenýshiler sany 70-ke jýyqtady. Al kúdikke tórt adam ilikti.
Aqtóbe oblystyq prokýratýrasy baspasóz qyzmetiniń habarlaýynsha, isti polıtsııa qyzmetkerleri tergep jatyr. Qylmystyq kodekstiń «Alaıaqtyq» baby boıynsha is qozǵalyp, jábirlenýshimen qatar kúdiktiler sany da arta túsken.
- Kúdikti áleýmettik jeliler arqyly óz kásibin jarnamalap, azamattarǵa dúkendi damytýǵa ınvestıtsııa salýdy usynady. Aı saıyn joǵary paıyzyn tóleýge jáne keıinnen salynǵan qarajatty tolyq qaıtarýǵa ýáde bergen. Azamattardyń senimine kirý maqsatynda tabysty kásipkerlik qyzmettiń kórinisin jasap, salymdardyń qaýipsiz ári tıimdi ekenine sendirgen. Alaıda ózine alǵan mindettemelerdi oryndaýǵa jáne ýáde etken tabysty qamtamasyz etýge naqty múmkindigi bolmaǵan. Nátıjesinde birqatar azamatqa materıaldyq zalal keltirilgen. Іs boıynsha 68 azamat jábirlenýshi retinde tanylyp, dúkenniń ıesine qatysty sotpen úıqamaq túrindegi bultartpaý sharasy tańdaldy. Buǵan qosa qylmystyq is boıynsha 4 tulǵa kúdikti retinde tanyldy,- dep habarlady Aqtóbe oblystyq prokýratýranyń baspasóz qyzmeti.
Eske salsaq, bıyl maýsym aıynda ulttyq kıim men áshekeı satyp almaq bolyp aldanǵan aqtóbelikter kásipkerdi qamaýǵa alýdy surady.
