Ulttyq keńesti Ulttyq quryltaıǵa aınaldyrý ne berdi — Andreı Chebotarev paıymy

BÝRABAI. KAZINFORM — Saıasattanýshy Andreı Chebotarev Ulttyq quryltaı IV otyrysynyń aldynda BAQ ókilderine Ulttyq qoǵamdyq senim keńesin Ulttyq quryltaıǵa aınaldyrý qoǵamǵa ne bergenin aıtty.

Чеботарев
Фото: Мухтор Холдорбеков/Kazinform

— Men Ulttyq qoǵamdyq senim keńesiniń múshesi bolǵan kezde bir ǵana jumys formaty boldy. Onda biz partııalyq júıe, saılaý júıesi, jergilikti basqarý sııaqty naqty reformalar boıynsha naqty usynystar jazǵan edik. Zań jobalaryn ázirleýge qatystyq. Bul shynymen quqyqtyq baǵyttaǵy jumys boldy. Memleket basshysy 2022 jyly Ulttyq keńes óz mıssııasyn oryndaǵanyn aıtyp, Ulttyq quryltaı deıtin jańa format engiziletinin aıtty. Endi sonyń jumysy múldem basqa formatta ekenin kórip otyrmyz, — deıdi ol.

Saıasattanýshy Ulttyq keńestiń quramy Ulttyq quryltaı quramynan eki ese az bolǵanyn aıtady.

— Bul formattyń jaqsy tusy — aımaqtardaǵy qoǵamdyq keńesterdiń ókilderi quryltaıǵa tartylǵan. Aımaqtardaǵy problemalar men utymdy bastamalardy solar arqyly bilip otyrýǵa múmkindik bar. Eń bastysy, bul vertıkaldy dıalog emes. Prezıdent, quryltaı músheleri, bılik pen qoǵam bolyp bir alańda betpe-bet otyryp tildesemiz, — deıdi saıasattanýshy.

Sondaı-aq, ol keńeıtilgen formattaǵy dıalogqa saıası partııalar belsendi qatysyp jatqanyn atap ótti.

— Ulttyq quryltaı múshesi qoǵamdyq kelisimniń bul formaty azamattardy bılikke jaqyn nemese oppozıtsııa ókili dep bólmeıtinin aıtady. Munda tek bılik qurylymdarynyń ókilderi ǵana emes, qazaqstandyq oppozıtsııanyń syralǵy ókili, «Dat» gazetiniń baspageri Ermurat Bápı de bar. Qazir ol Májiliste óz pikirin ashyq aıtyp júr. Ózderin oppozıtsııalyq partııamyz dep esepteıtin JSDP-nyń ókilderi de bar. ıAǵnı, partııalardyń bári Ulttyq quryltaıdan tys qalmaǵan, — deıdi Andreı Chebotarev.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.

Buǵan deıin Mádenıet jáne aqparat mınıstri Aıda Balaeva jıynnyń alǵashqy kúninde aıtylǵan usynystar týraly málimet bergen edi

Al Ǵylym jáne joǵary bilim mınıstri Saıasat Nurbek Ulttyq quryltaıdyń 4-otyrysy aıasynda Qazaqstan tarıhynyń jańa akademııalyq basylymyn ázirlenetinin aıtty

2022 jyly Ulttyq quryltaı alǵash jandanǵannan beri eldegi áleýmettik-ekonomıkalyq máseleler sheshim taýyp keledi. Jyl ótken saıyn taqyryp aıasy keńidi, aıtylatyn salmaqty oı ulǵaıdy

Сейчас читают