Ulttyq kargo-kompanııa qurý jobasy qaıta pysyqtalady

ASTANA. KAZINFORM – Premer-mınıstr Oljas Bektenov Kólik mınıstrligine bir aptanyń ishinde ulttyq kargo-tasymaldaýshynyń qyzmetin jetildiretin naqty usynystar ázirleýdi tapsyrdy.

- Kólik mınıstrligine «Samuryq-Qazyna» qorymen birge bir apta merzimde jańa halyqaralyq áýe reısterin iske qosý jáne ulttyq kargo-tasymaldaýshynyń aldaǵy qyzmeti jóninde naqty usynystar engizýdi tapsyramyn, - dedi ol.

Oljas Bektenov Kólik jáne Energetıka mınıstrlikterine «Qazmunaıgaz» kompanııasymen birge avıaotyn baǵasyn retteýdi tapsyrdy.

- Temirjol salasynda bıyl «Qyzyljar – Moıynty», «Darbaza – Maqtaaral», «Altynkól – Jetigen» jáne «Jezqazǵan – Sekseýil» jobalaryn aıaqtaý qajet, - dedi Premer-mınıstr.

Keshe Memleket basshysy Qasym-Jomart Toqaev V Ulttyq quryltaıda júk tasymaldaıtyn áýe kompanııasyn qurý týraly tapsyrmasy durys oryndalmaı jatqanyn aıtyp, Úkimettiń sheshimin synaǵan.