Ulttyq fılm mártebesin jáne kýáligin berý qaǵıdalaryna ózgerister engizildi

ASTANA. KAZINFORM –  «Fılmdi ulttyq dep taný jáne ulttyq fılm kýáligin berý qaǵıdalaryn bekitý týraly» Mádenıet jáne sport mınıstriniń 2019 jylǵy 28 naýryzdaǵy №78 buıryǵyna birqatar ózgeris engizildi.

Fılmdi ulttyq dep taný úshin ótinish berýshi ýákiletti organǵa qazaq nemese orys tilderinde mynadaı qujattardy usynady.

1) ýákiletti organ basshysynyń atyna fılmdi ulttyq dep tanýǵa erkin nysanda ótinish. Ótinishte mynadaı málimetter:

fılmniń ataýy;

fılmdi shyǵarýshy el;

fılmdi shyǵarýshy stýdııa;

fılmniń shyqqan jyly;

fılmniń formaty;

fılmniń hronometrajy;

fılm serııalarynyń sany;

fılmniń janry;

fılmniń jas sanaty;

olardyń jeke basyn kýálandyratyn qujattardyń kóshirmesin qosa bere otyryp, fılmniń avtorlary (stsenarıı avtory, qoıýshy-rejısser, qoıýshy-operator, qoıýshy-sýretshi, mýzykalyq týyndynyń avtory) kórsetiledi;

fılmniń prodıýserleri; fılmniń tili, fılmdi dýblıajdaý ne onyń sýbtıtrleriniń, ne kadr syrtyndaǵy aýdarma tilderi (bar bolǵan kezde);

ótinish berýshiniń derektemeleri (zańdy mekenjaıy, zańdy tulǵa úshin – bıznes sáıkestendirý nómiri, jeke kásipker retinde tirkelgen jeke tulǵa úshin – jeke sáıkestendirý nómiri);

ótinishti bergen kúni jáne ótinish berýshiniń qoly;

2) tehnıkalyq talaptarǵa sáıkes keletin kez kelgen jetkizgishterde fılmniń kóshirmesi;

3) zańdy tulǵa prodıýserdi memlekettik tirkeý (qaıta tirkeý) týraly anyqtama jáne onyń quryltaı qujattarynyń kóshirmeleri nemese jeke tulǵa prodıýserdiń jeke basyn kýálandyratyn qujattyń kóshirmesi;

4) fılm túsiretin toptyń quramymen (rejısserler, operatorlar, dybys operatorlary, kıim sýretshileri, montajdaýshylar, basty rólderdi oryndaıtyn akterler) jasalǵan sharttardyń kóshirmeleri jáne olardyń jeke basyn kýálandyratyn qujattardyń kóshirmeleri;

5) fılmniń smetalyq qunyn jáne ony qarjylandyrý kózderin rastaıtyn qujattar.

Ulttyq fılmder dep tanylýǵa úmitti kınojobalardy qarjylandyrý túrinde memlekettik qoldaý alǵan fılmder boıynsha osy tarmaqtyń birinshi bóliginde kórsetilgen qujattardy ótinish berýshi fılmdi memlekettik fılmder qoryna tapsyrǵannan keıin 30 kún ishinde ýákiletti organǵa usynady.

Sondaı-aq ulttyq dep tanylǵan fılmge ulttyq fılm kýáligi beriledi. Ulttyq fılm kýáligin berý osy qaǵıdalardyń 4-tarmaǵynyń birinshi bóliginde kórsetilgen merzimde jazbasha nysanda júzege asyrylady. Sol sııaqty ulttyq fılm kýáligin berýdi ýákiletti organ osy qaǵıdalarǵa qosymshaǵa sáıkes tegin beriledi.

Ulttyq dep taný jáne ulttyq fılm kýáligin berý qaǵıdalarymen tolyǵyraq siltemege ótip tanysýǵa bolady.