Ulttyq ekpe tizimine enbegen vaktsınalardy jeke klınıkalarda alýǵa bola ma – DSM jaýaby
ASTANA. KAZINFORM – Qazaqstanda Ulttyq profılaktıkalyq ekpe kúntizbesine kirmeıtin keıbir vaktsınalardy jeke medıtsınalyq ortalyqtarda saldyrýǵa bolady. Bul týraly Densaýlyq saqtaý mınıstrligi habarlady.
– Memleket tegin usynbaıtyn, biraq basqa elderde qoldanylatyn keıbir vaktsınalardy ata-analar nemese azamattar óz esebinen jeke klınıkalarda ala alady. Mundaı múmkindik zańmen tyıym salynbaǵan, - delingen atalǵan vedomstvonyń jaýabynda.
Alaıda mınıstrlik mundaı vaktsınalarǵa qoıylatyn negizgi talap bar ekenin atap ótti. Atap aıtqanda, qoldanylatyn preparat Qazaqstan Respýblıkasynda memlekettik tirkeýden ótýi tıis.
Eske salaıyq, qazirgi ýaqytta Qazaqstanda 21 ınfektsııalyq aýrýǵa qarsy vaktsına memleket esebinen tegin salynady. Al keıbir vaktsınalar, mysaly rotavırýs pen menıngokokk ınfektsııalaryna qarsy ekpeler, ázirge ulttyq kúntizbege engizilmegen. Degenmen olardy jeke medıtsınalyq ortalyqtarda aqyly túrde saldyrýǵa múmkindik bar.
Eske salaıyq, Qazaqstanda vaktsınadan bas tartqandar sany 5 ese artqan.
