Ulttyq ekonomıka vıtse-mınıstri taǵaıyndaldy
ASTANA. KAZINFORM — QR Úkimetiniń qaýlysymen Bekbolat Moldabekov ulttyq ekonomıka vıtse-mınıstri qyzmetine taǵaıyndaldy. Ol buryn atqarǵan qyzmetinen bosatyldy. Bul týraly QR Úkimetiniń baspasóz qyzmeti habarlaıdy.
Bekbolat Serikuly 1991 jyly Jambyl oblysy, Taraz qalasynda dúnıege kelgen. T.Rysqulov atyndaǵy Qazaq ekonomıkalyq ýnıversıtetin, M.Nárikbaev atyndaǵy KAZGıÝÝ ýnıversıtetin bitirgen.
Eńbek jolyn «Elıt Qurylys Stroı» JShS-da ınjener-baǵdarlamashy bolyp bastaǵan.
2014–2016 jyldary — QR Investıtsııalar jáne damý mınıstrligi Baılanys, aqparattandyrý jáne aqparat komıteti basqarmasynyń bas sarapshysy.
2016–2018 jyldary — QR Aqparat jáne kommýnıkatsııalar mınıstrligi Aqparattandyrý departamentiniń bas sarapshysy, basqarma basshysy, orynbasary.
2018–2019 jyldary — QR Aqparat jáne kommýnıkatsııalar mınıstrliginiń tsıfrlandyrý departamenti dırektorynyń orynbasary.
2019–2022 jyldary — Tsıfrlandyrý departamenti dırektorynyń orynbasary, dırektory, Tsıfrlyq transformatsııa departamentiniń dırektory, Tsıfrlyq sheshimder departamentiniń dırektory, QR Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik qyzmetter komıteti tóraǵasynyń orynbasary.
2022 jyldyń qarasha aıynan bastap qazirgi ýaqytqa deıin QR ádilet vıtse-mınıstri qyzmetin atqardy.
Buǵan deıin Pavlodar oblysy ádilet departamentine jańa basshy taǵaıyndalǵanyn jazǵanbyz.
