Ulttyq ekonomıka vıtse-mınıstri Aqtóbe oblysy ákiminiń orynbasary qyzmetine keldi

AQTÓBE. KAZINFORM – Aqtóbe oblysy ákiminiń orynbasary qyzmetine Ulttyq ekonomıka vıtse-mınıstri bolǵan Abzal Ábdikárimov taǵaıyndaldy.

QR Prezıdenti Ákimshiliginiń kelisimimen Abzal Álıuly Ábdikárimov Aqtóbe oblysy ákiminiń orynbasary laýazymyna taǵaıyndaldy. Ol 1987 dúnıege kelgen.

- 2010 jyly «Bolashaq» baǵdarlamasymen Londondaǵy Koroldik kolledjin, 2011 jyly Bıznes mektebin, 2013 jyly Abaı atyndaǵy Qazaq ulttyq pedagogıkalyq ýnıversıtetin bitirgen. Prezıdenttik jastar kadr rezerviniń múshesi. Eńbek jolyn 2010 jyly jeke kásipkerlik sýbektilerinde bastap, ulttyq kompanııalarda túrli laýazymda jumys istegen. 2016 - 2019 jyldary arylyǵynda QR Ulttyq ekonomıka mınıstriniń keńesshisi, Departament dırektorynyń orynbasary, dırektory qyzmetterin atqarǵan. Al 2019 - 2022 jyldary aralyǵynda QR Ulttyq ekonomıka mınıstrliginiń Básekelestikti qorǵaý jáne damytý komıtetiniń, Qazaqstan Respýblıkasy Básekelestikti qorǵaý jáne damytý agenttiginiń Nur-Sultan qalasy boıynsha departamentin basqarǵan. 2022 jyldyń qańtar aıynan bastap búginge deıin Qazaqstan Respýblıkasynyń Ulttyq ekonomıka vıtse-mınıstri qyzmetin atqaryp keldi,- dep habarlady Aqtóbe oblysy ákiminiń baspasóz qyzmeti.