Ulttyq ekonomıka mınıstrligi eldegi jalaqy ósimine qatysty túsinik berdi
ASTANA. KAZINFORM — Qazaqstan Respýblıkasynyń Ulttyq ekonomıka vıtse-mınıstri Arman Qasenov jalaqy ósimi men ınvestıtsııa deńgeıine qatysty pikir aıtty.
- Jalpy ishki ónimniń negizgi ósimi keıingi jyldary, ıaǵnı 2023 jyldan bastap baıqalyp otyr. JІÓ ósýi uzaq merzimdi perspektıvada jalaqynyń artýyna oń yqpal etetini belgili. Máselen, 2017 jyldan beri jalaqynyń kýmýlıatıvti ósimi 41%-dy qurap, JІÓ ósiminen asyp tústi. Bizdiń maqsatymyz – aldaǵy jyldarda ekonomıkanyń 5%-6% deńgeıinde joǵary ósý qarqynyn qamtamasyz etý jáne 2029 jylǵa qaraı jalpy ishki ónimdi 450 mlrd dollarǵa jetkizý, - dedi A. Qasenov Senattaǵy ekonomıka ósimine arnalǵan Úkimet saǵatynda.
Onyń aıtýynsha, ósý qarqyny ınvestıtsııaǵa tikeleı táýeldi, óıtkeni ınvestıtsııa qosymsha óndiristik qýattardy qalyptastyrady.
- Dúnıejúzilik bank derekteri boıynsha Qazaqstan qazirdiń ózinde ınvestıtsııalyq belsendilikti arttyrdy. Dúnıejúzilik bank jalpy jınaqtalǵan kapıtaldyń JІÓ-ge qatysy boıynsha jahandyq statıstıkany júrgizedi. Bul rette Qazaqstannyń kórsetkishi 27 paıyzdy quraıdy. Bul kórsetkish arqyly álem elderiniń 75 paıyzynan asyp tústik, - dedi vıtse-mınıstr.
Eske salsaq, byltyr Premer-mınıstr Oljas Bektenov Úkimet otyrysynan keıin ótken baspasóz máslıhatynda 2029 jylǵa deıin jalpy ishki ónimdi 450 mlrd dollarǵa jetkizý týraly Prezıdent tapsyrmasyn oryndaý qanshalyqty múmkin ekeni týraly pikir bildirdi.
