Ulttyq ekonomıka mınıstrligi atqaratyn qyzmetter tolyqtyryldy

ASTANA. KAZINFORM - Qazaqstan Respýblıkasy Ulttyq ekonomıka mınıstrliginiń máseleleri» týraly Qazaqstan Respýblıkasy Úkimetiniń 2014 jylǵy qaýlysyna tolyqtyrýlar engizý týraly qujat qabyldandy. 

Bıyl 3 sáýirde bekitilgen Úkimeti qaýlysyna sáıkes, QR Ulttyq ekonomıka mınıstrliginiń máselelerine qatysty tolyqtyrýlar jasaldy. Bul rette tıisti erejedegi 15-tarmaq 37-2), 37-3) jáne 37-4) tarmaqshalarmen tolyqtyryldy:

- 37-2) saýda qyzmetin retteý salasyndaǵy ýákiletti organ ázirleıtin jáne bekitetin Qazaqstannyń Eksporttyq-kredıttik agenttigi qyzmetiniń jekelegen túrlerin júzege asyrý sharttaryn kelisý;

- 37-3) saýda qyzmetin retteý salasyndaǵy ýákiletti organ ázirleıtin jáne bekitetin Qazaqstannyń Eksporttyq-kredıttik agenttigi úshin táýekelderdi basqarý jáne ishki baqylaý júıesin qalyptastyrý, sondaı-aq rezervter qalyptastyrý jáne olar boıynsha aktýarlyq esep-qısaptar júrgizý qaǵıdalaryn kelisý;

- 37-4) bıýdjetti atqarý jónindegi ortalyq ýákiletti organ aıqyndaıtyn eksportty qoldaý boıynsha memlekettik kepildigi bar Qazaqstannyń Eksporttyq-kredıttik agenttiginiń memleket kepildik bergen eksportty qoldaý jónindegi mindettemesine jáne qarjylyq jaǵdaıyna monıtorıng júrgizý qaǵıdalaryn kelisý.

Atap aıtqanda, osy qaýly alǵashqy resmı jarııalanǵan kúninen keıin qoldanysqa engiziledi.