Ulttyq dombyra kúni Almatyda qalaı toılanady

ALMATY. KAZINFORM – Almatyda 6 shilde kúni Abaı alańynda estrada juldyzdary, tanymal dombyrashylar jáne dástúrli ánshiler óner kórsetedi.

Merekelik baǵdarlama aıasynda Roza Rymbaeva, Aıgúl Úlkenbaeva, Aıgúl Qosanova, Ramazan Stamǵazıev, Meırambek Besbaev, dombyrashy-vırtýoz Asylbek Eńsepov, Móldir Áýelbekova óner kórsetedi.

Sonymen qatar kontsertke «Qońyr», «Ulytau» toby men «Sazgen sazy» folklorly-etnografııalyq ansambli, «Alataý» dástúrli óner teatrynyń artısteri qatysady.

Qala turǵyndary men qonaqtaryna 17:00 men 21:00 aralyǵynda el súıip tyńdaıtyn kúıler men termeler, halyq ánderi men elimizdiń baı rýhanı murasyn dáripteıtin shyǵarmalar usynylady.

Bul kontsert ulttyq mýzyka men dástúrli ónerge degen tereń qurmettiń aıqyn kórinisine aınalmaq. Kirý tegin.

Aıta keteıik, Ulttyq dombyra kúni jyl saıyn shildeniń alǵashqy jeksenbisinde atalyp ótedi.

Osyǵan deıin dombyra kúni el kóleminde 300-ge jýyq is-shara uıymdastyrylatyny týraly jazǵanbyz. 

Eske salaıyq, ulttyq dombyra kúnine oraı polıtsııa qyzmetkerleri Medeý muz aıdynynda kúı shertken bolatyn.