Ulttyq dombyra kúni Almatyda qalaı toılanady
ALMATY. KAZINFORM – Almatyda 7 shilde kúni saǵat 20:00-de Abaı alańynda Ulttyq dombyra kúnine oraı «Ańyz dombyra» merekelik kontserti ótedi.
Merekelik baǵdarlama aıasynda Roza Rymbaeva, Maqpal Júnisova, Seken Turysbek, Aıgúl Qosanova, Asylbek Eńsepov, Sholpan Darjanova, Ábdilhamıt Raıymbergenov, Nurken Áshirov, Ardaq Balajanova, Nurjan Janpeıisov, «Qońyr» toby, «Sazgen» folklorlyq-etnografııalyq ansambli, «Saltanat» bı ansambli óner kórsetedi.
Sonymen qatar kontserte – Kenen Ázirbaev, Tólegen Mombekov, Áset Beıseýov, Meırambek Janbolatovtyń shyǵarmalary oryndalady. Іs-shara aıasynda qazaq halyq aspaptary sheberlerin – talantty qolónershilerdi estelik syılyqtarmen marapattaý ótedi.
Ulttyq dombyra kúni qalanyń basqa aýdandarynda da merekelenedi:
– Alataý aýdanynda 4 shilde kúni saǵat 15:00-de Alatau Creative Hub – Almaty kitaphanasynda Qazaqstan halqy Assambleıasymen birlesken is-shara ótedi. Merekelik baǵdarlamada shyǵarmashylyq ujymdar sóz sóıleıdi. Atalmysh sharanyń basty maqsaty – etnosaralyq qatynastardy nyǵaıtý jáne qazaq mádenıetin nasıhattaý. Sonymen qatar 5 shildede saǵat 11:00-de Mýltımedııalyq dástúrli mýzykanyń ortalyǵynda «Qazaǵymnyń júreginen jaralǵan, Babamyzdyń únisiń sen – dombyra!» kontserttik baǵdarlamasy uıymdastyrylady.
– Áýezov aýdanynda 5 shildede saǵat 11:00-de «Family» saıabaǵynda kontsert ótip, estrada artısteri Qurmanǵazy, Dáýletkereı jáne Táttimbet shyǵarmalaryn oryndaıdy. Sonymen qatar «Saryarqa» skverinde saǵat 11:00-den 16:00-ge deıin qolóner jármeńkesi ótedi;
– Bostandyq aýdanynda 5 shilde kúni saǵat 14:00-de «Mega Alma-Ata» SOO aýmaǵynda Ulttyq dombyra kúnin toılaý qurmetine «Kúmbirle qońyr dombyra» merekelik baǵdarlamasy ótedi;
– Medeý aýdanynda 4 shilde kúni saǵat 12:00-de Nurǵısa Tilendıev memorıaldyq mýzeıine kelýshiler dástúrli janr artısteriniń qatysýymen «Sıqyrly úni» kontsertin kóre alady. Sondaı-aq saǵat 11: 00-de Yqylas atyndaǵy halyq mýzykalyq aspaptar mýzeıinde Dombyra fest fleshmoby ótedi.
– Naýryzbaı aýdanynda 5 shilde kúni saǵat 11:00-de Shuǵyla, 347/4 mekenjaıyndaǵy Innovatsııalyq shyǵarmashylyq ortalyǵynda merekege oraı kontserttik baǵdarlama bolady.
– Túrksib aýdanynda 5 shilde kúni saǵat 17:00-de Saýranbaev kóshesindegi Arbatta dombyra kúnine arnalǵan «Altyn dombyra» dombyrashylardyń fleshmoby ótedi.
