«Ulttyq dıktant» jobasy resmı túrde iske qosyldy
ASTANA. KAZINFORM — Halyqaralyq «Qazaq tili» qoǵamynyń uıymdastyrýymen Qazaqstan halqy tilderi kúni men ult ustazy Ahmet Baıtursynulynyń týǵan kúnine arnalǵan «Qazaq tili — ǵylym men tehnologııa tili» taqyrybynda respýblıkalyq konferentsııa ótti.
Konferentsııanyń resmı bóliginen soń mınıstr de, depýtat ta dıktant jazdy. «Til-Qazyna» ulttyq ortalyǵy men Halyqaralyq «Qazaq tili» qoǵamy birlesip, «Ulttyq dıktant» jobasyn resmı túrde iske qosty. Endi budan bylaı dıktant jazý dástúri jyl saıyn dál osy kúni uıymdastyrylyp turady.
— Bul dástúrli jyl saıyn ótkiziletin dıktant bolady. Osy til kúnine oraı jyl saıyn qaıtalanyp keledi. Árıne tildiń bolashaǵy tsıfrlyq bolmysqa tikeleı baılanysty. Kez-kelgen til «tiri» qalamyn dese jasandy ıntellekt dáýirinde sol tsıfrlyq formatqa beıimdelýi kerek, — deıdi, Ǵylym jáne joǵary bilim mınıstri Saıasat Nurbek.
Dıktantty belgili dıktor Qymbat Dosjan júrgizdi. Dıktant mátini qazaq ádebıeti klassıkteriniń shyǵarmalarynan tańdaldy. Qatysýshylarǵa baǵa qoıylmaıdy, árkim óz saýattylyǵyn ózi tekseredi.
Aıta keteıik, ár azamat óz saýatyn oflaın jáne onlaın túrde teksere alady. Onlaın nusqasy www.til.kz saıtynda qoljetimdi. Qatysýshylarǵa elektrondy alǵys hat pen KITAP platformasyna tegin jazylym usynylady.
Aıta ketelik Oksford ýnıversıtetinde qazaq tili oqytyla bastady.