Ulttyq damý josparyna jetýdiń is-qımyl baǵdarlamasy bekitildi

ASTANA. KAZINFORM – Úkimet elimizdiń 2029 jylǵa deıingi ulttyq damý josparynyń maqsatyna qol jetkizý jónindegi 2025–2026 jyldarǵa arnalǵan is-qımyl baǵdarlamasyn bekitti. 

Baǵdarlama birneshe baǵyt boıynsha is-sharalardy qamtıdy:

— Ómir súrý sapasynyń joǵary deńgeıi;
— Ekonomıkanyń myqty irgetasy;
— Ósýdiń jańa núkteleri;
— Ekonomıka men qoǵamnyń júıeli transformatsııasy.

Densaýlyq saqtaý:

— Juqpaly emes aýrýlardyń aldyn alýdy kúsheıtý jáne halyq arasyndaǵy ólim-jitimdi azaıtý;
— Densaýlyq saqtaý júıesin qarjylandyrýdy jetildirý;
— Medıtsınalyq qyzmet kórsetý sapasyn arttyrý;
— Medıtsınalyq kómektiń qoljetimdiligin arttyrý.

Bilim jáne ǵylym: 

— Balalarǵa mektepke deıingi tárbıe men oqýǵa qoljetimdilikti arttyrý, jaıly, qaýipsiz jáne sapaly ortamen qamtamasyz etý;
— Oqýshylardyń fýnktsıonaldyq saýattylyǵyn arttyrý jáne orta bilim berý júıesiniń ınfraqurylymyn nyǵaıtý;
— Eńbek naryǵynyń suranysyna saı tehnıkalyq jáne kásiptik bilim berý (TjKB) júıesin jetildirý;
— Joǵary bilim deńgeıin álemdik standarttarǵa deıin kóterý;
— Ulttyq ǵylym modelin jańǵyrtý.
Áleýmettik qorǵaý:
— Áleýmettik qoldaý sharalaryn kórsetýdiń tásilderin jetildirý;
— Arnaıy áleýmettik kómektiń tıimdiligin arttyrý;
— Áleýmettik qorǵaýdyń saqtandyrý komponentin damytý;
— Azamattardyń zeınetaqy jınaǵyn arttyrý;
— Inklıýzıvti qoǵam qurý.

Jaıly orta qalyptastyrý:

— Óńirlerdiń básekelik artyqshylyǵy negizinde turaqty ekonomıkalyq ósýdi qamtamasyz etý;
— Jaıly ári zamanaýı qalalar qurý;
— Aýyldyq jerlerde ınfraqurylym men qyzmetke qoljetimdilikti arttyrý;
— «Aqyldy» eldi mekenderdi damytý;
— Tótenshe jaǵdaı kezindegi qaýipsizdikti qamtamasyz etý ınfraqurylymyn damytý.

Ekonomıkanyń myqty irgetasyn kelesi salalar qamtamasyz etedi:

— Mıneraldy-shıkizat bazasy (munaı men gaz, metall jáne basqa da paıdaly qazbalar);
— Energetıka;
— Óńdeýshi ónerkásip.

Kólik-logıstıkalyq keshendi damytý: 

— Infraqurylymdy keńeıtý jáne jańǵyrtý;
— Kólik parkin ulǵaıtý;
— Aǵyndardy basqarý modelin qaıta qaraý, tarıftik yntalandyrýdy engizý jáne tsıfrlyq tehnologııalardy ıntegratsııalaý arqyly kólik-logıstıkalyq keshen jumysynyń tıimdiligin arttyrý;
— Naryqtaǵy básekelestikti arttyrý jáne memlekettiń qatysý úlesin azaıtý.

AÓK-ti damytýdaǵy basymdyqtar:

— Aýyl sharýashylyǵy jerlerin tıimdi paıdalanýdy arttyrý;
— Sý resýrstaryn paıdalanýdyń tıimdiligin arttyrý;
— Mal sharýashylyǵyn keńeıtý;
— Aýyl sharýashylyǵy ónimderin óńdeýdi yntalandyrý;
— Eksportty qoldaý;
— Agrarlyq ǵylym men biliktilikti damytý.

Ekonomıka men qoǵamnyń júıeli transformatsııasyna kelesi baǵyttar kiredi:

— Qozǵalystaǵy kásipkerlik ortany qalyptastyrý;
— Investıtsııalardyń jańa kezeńin bastaý;
— Ekologııalyq turaqtylyqty arttyrý;
— Ysyrapsyzdyq pen jaýapkershilik prıntsıpterine negizdelgen teńgerimdi bıýdjet saıasatyn saqtaý;
— Quqyq ústemdigin qamtamasyz etý jáne memlekettik basqarý tıimdiligin arttyrý.

Atalǵan qaýly 2025 jylǵy 12 maýsymda kúshine endi. 

Aıta keteıik, keshe Prezıdent memlekettik basqarýdy damytýdyń 2030 jylǵa deıingi jańartylǵan tujyrymdamasyn bekitti.