Ulttyq biryńǵaı testileýde jasandy ıntellekt qoldanylady

ASTANA. KAZINFORM — Ǵylym jáne joǵary bilim mınıstrligi bıyldan bastap ulttyq biryńǵaı testileýdi ótkizý kezinde jasandy ıntellektiniń kómegine júginbek. Bul týraly Ǵylym jáne joǵary bilim mınıstrliginiń tsıfrlandyrý jáne memlekettik qyzmet kórsetý departamentiniń dırektory Nursultan Mahatov málim etti. 

ұбт ент
Фото: Ғылым және жоғары білім министрлігі

— Mınıstrlik jasandy ıntellekt kadrlaryn daıarlaý boıynsha belsendi jumys júrgizip jatyr. Byltyr «Jasandy ıntellekt negizderi» pániniń standarty engizildi. Sonyń negizinde bilim berý protsesinde jasandy ıntellektini paıdalanýdyń jalpy prıntsıpteri, joǵary jáne joǵary oqý ornynan keıingi bilim berýde jasandy ıntellektini qoldaný baǵyttary aıqyndaldy. Sondaı-aq mınıstrlik joǵary bilimniń memlekettik jalpyǵa mindetti standartyna jasandy ıntellktini qoldaný boıynsha quzyretti ıgerýge baǵyttalǵan pánderdi barlyq bilim berý baǵdarlamalaryna engizýdi kózdeıtin ózgerister engizdi, - dedi Nursultan Mahatov ortalyq kommýnıkatsııalar qyzmeti alańynda ótken baspasóz máslıhatynda. 

Spıkerdiń málimdeýinshe, búginde elimizde 20 joǵary oqý orny bazasynda jasandy ıntellekt boıynsha 20 bilim berý baǵdarlamasy engizildi, atalǵan baǵdarlama boıynsha 2 196 magıstrant pen doktorant oqyp jatyr. 

— Memleket basshysynyń tapsyrmasy boıynsha mınıstrlik Tsıfrlyq damý, ınnovatsııalar jáne aeroǵarysh mınıstrligimen birlesip ulttyq jasandy ıntellekt platformasynda birneshe joba jasaýdy josparlap otyrmyz, - deıdi ol. 

Atap aıtqanda: 

— 2025 jyly UBT ótkizýdiń normatıvtik erejeleri, statıstıkalyq aqparat, grantqa túsý kezindegi suraqtar boıynsha konsýltatıvtik «AI Talapker» chat-botyn iske qosý; 

— UBT tapsyrý kezinde akademııalyq adaldyqty arttyrýda JI qoldaný; 

— Sondaı-aq UBT úshin test tapsyrmalaryn ázirleý úshin JI engizý. 

Taıaýda jasandy ıntellektiniń kómegimen ym tili qazaqshalanatyny týraly habarlaǵan edik. 

Sonymen qatar Úkimet basshysy áýe tasymaly salasyn tsıfrlandyrý jáne jasandy ıntellektini engizý arqyly bıznes-protsesterdi avtomattandyrýdy tapsyrdy. 

Сейчас читают