Ulttyq Banktiń Antıfrod-ortalyǵy 2,5 mıllıard teńge shyǵynnyń aldyn aldy

ASTANA. KAZINFORM — Ulttyq tólem korporatsııasymen birlesip Antıfrod-ortalyqtyń alǵashqy jylda atqarǵan jumysy qorytyndylandy. Bul týraly Ulttyq banktiń baspasóz qyzmeti málim etti. 

Ulttyq banktiń málimetinshe, 10 aıda atqarylǵan jumystyń nátıjesi tómendegideı: 

— 60 myńnan astam alaıaqtyq oqıǵa tirkeldi
— 2,5 mlrd teńgeden astam shyǵynnyń aldyn aldy
— Bankter, uıaly baılanys operatorlary, mıkroqarjy uıymdary men quqyq qorǵaý organdarynyń derek almasýyna arnalǵan platforma quryldy. Oǵan 200 qatysýshy qosylǵan.

Aldaǵy jospar

— shemalardy aldyn ala boljaý úshin JI-di engizý
— derekterdi Bas prokýratýra men baılanys operatorlarynyń derekter bazasymen biriktirý
— zardap shekken azamattarǵa qarajatyn qaıtarý rásimin jeńildetý
— jańa retteý normalaryn engizý jáne kıbersaýatty kóterý.

Eske sala keteıik, buǵan deıin alaıaqtyq tranzaktsııalardy anyqtaıtyn Antıfrod-ortalyǵy iske qosylatynyn jazǵan edik. Onda zańdy iske asyrý maqsatynda Ulttyq bank qarjy uıymdary men memlekettik organdar arasynda jedel aqparat almasý, sondaı-aq alaıaqtyq operatsııalarǵa den qoıý úshin Antıfrod-ortalyq ınfraqurylymyn iske asyratyny aıtylǵan edi.