Ulttyq banktiń altyn-valıýta qory rekordtyq deńgeıge jetti
ASTANA. KAZINFORM – Ulttyq banktiń altyn-valıýta qory rekordtyq deńgeıge jetti. Bul týraly Ulttyq bank tóraǵasy Tımýr Súleımenov aıtty.
– Jalpy, Ulttyq banktiń altyn-valıýta rezervi eń joǵary rekordtyq deńgeıde qalyptasyp otyr. Qazirgi tańda bizde rezerv 53 mlrd dollarǵa jetti. Bul rekordtyq deńgeı. Ol qarjylyq turaqtylyqqa oń áserin tıgizedi, - dedi Tımýr Súleımenov Ulttyq bankte ótken brıfıng barysynda.
Jyl basynda elimizdiń altyn-valıýta rezervti 45 mıllıard dollardan asqan edi.
Jalpy, baǵaly metaldar týraly zań qabyldanǵan 2011 jyldan bastap Ulttyq bank búkil el aýmaǵynda jalǵyz altyn satyp alýshy bolyp esepteledi. Barlyq altyn óndirýshi kásiporyn Ulttyq bankke satýǵa mindettelgen. Ulttyq bank jylyna barlyq altyn óndirýshiden óndiris kólemine baılanysty 60-70 tonna altyn satyp alady.