Ulttyq bank JI-alaıaqtarǵa aldanyp qalmaýǵa shaqyrdy

ASTANA. KAZINFORM – QR Ulttyq banki JI-alaıaqtarǵa aldanyp qalmaý úshin ne isteý keregin aıtyp, úndeý jasady.  

JI-alaıaqtarǵa aldanbaý úshin ne isteý kerek?

Keıingi kezde jasandy ıntellektti paıdalanyp, azamattardy aldaıtyndar kóbeıip ketti.

Bul qalaı júzege asady?

Alaıaqtar tanymal adamnyń, dosyńyzdyń ne týysyńyzdyń bet-álpetin, daýsyn nemese habarlamasyn qoldan jasap, jalǵan vıdeo, aýdıo nemese mátin taratady.

Ózińizdi qalaı qorǵaýǵa bolady?

1. «Dosyńyzdan» nemese «áriptesińizden» habarlama kelse, aldymen olarǵa qońyraý shalyp, rastap alyńyz.
2. Qos faktorly aýtentıfıkatsııany paıdalanyńyz.

Kıberqaýipsizdiktiń negizgi erejeleri:

— Kúmándi habarlamalar men siltemelerge senbeńiz.
— Messendjerler men áleýmettik jelilerde jeke deregińizdi eshqashan jarııa etpeńiz.
— Qurylǵylaryńyzdaǵy qosymshalar men júıelerdi únemi jańartyp otyryńyz.

— Ulttyq Bank jeke tulǵalarǵa shot ashpaıdy, aqshany saqtandyrmaıdy, halyqpen esep aıyryspaıdy, — dep eskertti bankten. 

Eske sala keteıik, buǵan deıin Ulttyq bank antıfrod-ortalyq arqyly 2,2 mlrd teńgeniń alaıaqtyq áreketin buǵattaǵanyn jazǵan bolatynbyz.