Ulttyq bank jańa monetany aınalymǵa shyǵarady

ASTANA. KAZINFORM — Qazaqstan Ulttyq banki «Jaratylys syrlary» monetalar serııasynan MYSYRLYQ TANYM kollektsııalyq monetalaryn aınalysqa shyǵarady. 

Monetalar 2025 jylǵy 3 jeltoqsannan bastap QUB-tyń ınternet-dúkeni arqyly satylady.

MYSYRLYQ TANYM monetasynyń dızaıny ejelgi Mysyr men qazirgi zamanǵy dúnıetanymdy biriktiredi. Monetanyń tantal bóliginde – Mysyr qudaılary, kúmis bóliginde – tehnologııa sımvoldary men olardyń transformatsııasy beınelengen.

Birneshe quramnan turatyn MYSYRLYQ TANYM kollektsııalyq monetasynda kúrdeli tehnologııa qoldanylǵan. 925 synamaly kúmisten jasalǵan monetanyń tantal qondyrmasy bar. Monetanyń jalpy massasy – 162,2 gramm, daıyndaý sapasy – «proof», nomınaly – 2000 teńgelik, daıyndaý taralymy – 400 (tórt júz) dana.

Kollektsııalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady.

Kollektsııalyq monetalar Qazaqstan teńge saraıynda daıyndaldy. 

Aıta ketelik tól teńgemizdi jınap, kollektsııa jınaıtyndar týraly jazǵan edik.